（大公文匯全媒體 特約記者 陳惠芳）歌唱真人騷《中年好聲音2》昨晚（7日）播出一集是第八部曲第一回《中二生友誼合唱！晉級十五強！》，最終由譚輝智＋顏米羔獲得91分成為全晚最高分，輝智更首度獲得MVP獎項；劉可+朱博文只獲78分跌入危險區，朱博文最終被淘汰。
兄弟情深的顏米羔和譚輝智合唱《左右為難》，兩人以型格西裝look上陣，一唱一和非常有默契，怕醜仔輝智的表現更是大躍進，猶如被打通任督二脈般一改以往一碌木風格又un又唱，台風十足。兩人演出完畢後，主持婉婉笑言：「輝智，鬆晒個盆骨！」肥媽說：「真係冇得頂，無論眼神同埋唱歌都好合拍，尤其是輝智同個Live Band好夾，唔覺得你哋兩個比賽緊，係享受緊隊Band。」陳慧嫻說：「之前一直都唔係好留意到輝智，但你今日把聲好出，加上個盆骨好放鬆，好想見到你唔咁怕醜嘅一面，對你之後比賽有幫助。」輝智更獲得處男MVP，他說：「好多謝米羔，每次同佢合作都有啲新嘅嘢，冇諗過會拎到MVP。」輝智更對曾獲兩次MVP的米羔喊話：「你都攞到好多對筷子，整一對畀我啦，食吓嘢咁！」場面搞笑。
昨晚15強名單正式誕生，分別是（排名不分先後）王玥、黃劍文、林若盈、劉威煌、譚輝智、顏米羔、陳蒨葶、沈宗賢、古淖文、安雅希、陳俞霏、鄭梓浩、梁浩賢、陳燕娜以及劉可。節目尾聲，婉婉透露下集將邀請《中年好聲音》第一季的參賽者回歸，與《中年好聲音2》15強選手合唱比賽。
相關報道：
中年好聲音2｜安雅希86分揮低陳俞霏 陳慧嫻嫌古淖文未脫「捞」味
編輯：Bella
關鍵詞：中年好聲音2顏米羔譚輝智陳慧嫻
評論
查看更多評論>>
加載中……
