中年好聲音2｜安雅希86分揮低陳俞霏　陳慧嫻嫌古淖文未脫「捞」味

（大公文匯全媒體特約記者陳惠芳報道）歌唱真人騷《中年好聲音2》昨晚（10日）播出一集是第六部曲《廿一強全新賽制　動感/情感PK賽！》上半場，經過一輪激戰，安雅希與古淖文同樣獲得全晚最高分的86分，麥素華被淘汰。

獻唱《心如刀割》的安雅希VS獻唱《失戀無罪》的陳俞霏，最終獲得86分的雅希以4分之差揮低俞霏，直接晉級。雅希透露原本想挑戰唱快歌，但因今次是PK賽的關係，為求安全最終選擇唱情感歌。張佳添笑言：「有個唔係太高興地方，就係點解支歌咁短，覺得唔夠喉！」同樣指唔夠喉的肥媽，更從口袋中拎出紙巾笑言：「你知唔知我袋定嚟，但今日支歌太短，冇整到我喊。」場面搞笑。

獻唱《失戀無罪》的俞霏繼續收埋招牌hyper個性，惟她的高音仍被指吵耳，周國豐說：「今日高音嘅位，係聽得出有啲嘈同埋吵耳。」陳慧嫻則持不同意見，她說：「你把聲好清、好脆、好響，佢哋可能覺得你爆，但我覺得係你性格嚟，overall嚟講我係鍾意。」俞霏最終獲得82分。

「最強素人」譚輝智於本回合再度發功，深情獻唱王力宏的《Kiss Goodbye》，婉婉直言他膽生毛竟敢挑戰王力宏的歌曲，肥媽亦為他捏一把汗：「擔心你會唔會揀錯歌，但你真係唱得好入戲，真係好鍾意輝智，你令到好多素人有希望。」

上回合唱到喊的古淖文今集「撈」味回歸，獻唱《Monica》，最終還是獲得86分。曾讚淖文有巨星風範的陳慧嫻笑言：「你話要減江湖味，但始終都喺度。」伍仲衡則說：「你每一個字後面都有個『啊』字，呢啲我通常係聽尹光先聽到，但你又冇尹光嗰種個人style。」肥媽加把嘴說：「我好少同意佢（伍仲衡），但我今日都同意，唱到有啲粵曲feel。」