有騙徒睇準學生社會經驗尚淺，訛稱佢哋身分被用嚟作奸犯科，向佢哋展示偽造嘅廉署文件，氹學生過數去聲稱廉署人員嘅銀行戶口做「資金清查」，就可以洗脫所謂嘅「嫌疑」。
廉署曾接獲舉報，有來港就學嘅博士生收到聲稱執法部門來電，指事主個人資料被盜用，參與「洗黑錢」嘅違法行為，過程中佢亦收到偽造嘅廉署文件。事主為咗自證清白，按對方要求將55萬港元，轉帳到聲稱廉署人員嘅銀行戶口做「資金清查」。事主幾日後致電廉署，始知受騙。
廉署絕對無所謂嘅「資金清查」！各位唔想做「交學費」俾騙徒嘅學生，如果有人叫你轉帳做「資金清查」，記住要跟吳浩信同學，一定唔好信，千祈咪過數！！
如懷疑有人冒認廉署人員，立即致電廉署24小時舉報熱線25 266 366查詢或舉報。如懷疑遇到騙案，應報警或致電警方「反詐騙協調中心防騙易」熱線18222。
廉政公署「提防騙徒冒充廉署人員」官方網頁：https://www.icac.org.hk/tc/law/im/index.html
香港警方「反詐騙協調中心」官方網頁：https://www.adcc.gov.hk/zh-hk/home.html
追蹤我們
編輯：游尘
關鍵詞：騙徒廉署學生
評論
查看更多評論>>
加載中……
