大公文匯全媒體報道，自施明離世後，李家鼎的家庭爭產風波愈演愈烈。繼鼎爺早前公開錄音斥長子李泳漢苛索金錢，李泳漢今晨（9日）發多段錄音反擊，李家鼎細仔李泳豪隨後又逐點回應哥哥指控。

李家鼎8日接受訪問公開多段WhatsApp及電話錄音，力證長子多年來將他當成「人肉ATM」，謀住鼎爺200萬定期，鼎爺更一度哽咽。

李泳漢今日公開一些影片及錄音，稱李泳豪及太太現正「軟禁」李家鼎，李家鼎對他的指控都是受弟弟的指示。李泳漢稱，李家鼎去年6月向他求救，指自己被李泳豪兩公婆「軟禁」，連網上銀行密碼亦被更改，所以他沒有錢用，希望李泳漢給他送飯。當李泳漢趕到李家鼎家中，李家鼎稱怕被李泳豪兩公婆知道，不敢出門，李泳漢唯有隔住門與他對話。

另外一條電話録音是李泳豪稱李家鼎經常講大話，「你最叻㗎啦，擘大眼講大話，講嘢冇公信力，事實擺在眼前，一毫子都冇嘅人（指李泳漢），唔係你畀係邊個畀呀？你真係侮辱人哋嘅智慧，你會唔知？你乜都話唔知㗎啦！」

之後再有一條電話錄音稱李泳豪對鼎爺不禮貌，「我雖然就唔知你同我阿叔、姑姐係點樣相處，但到今日點解你哋咁唔Friend，我已經睇在眼內，心裏有數，或者你哋大家都有問題，但你都係好有問題，三叔有一句好啜核：『你老竇呀一世夠運！』講完㗎啦，其實真係喎，依你咁樣做人方法，唔係畀人打就唔會喺呢行撈。」

李泳豪今日逐點回應哥哥指控，對於錄音中對父親語氣惡劣，李泳豪坦承那些對話屬實，但強調是被有心人「一節節」抽出剪輯來抹黑他。他解釋當時動氣，全因鼎爺不斷給錢李泳漢，多次勸阻無效才引發父子衝突，他直言：「嗰輪我老竇攞錢攞得太勁，講又唔聽，咁一定忟。大家為件事，睇你（李泳漢）攞錢攞到老人家咁，梗係忟，說話一定唔好聽。」