熱浪侵襲移英港人跳晒掣　屋企無冷氣變晒林超英

大公文匯全媒體報道，歐洲多國受熱浪侵襲，英國部分地區氣溫錄得攝氏33.2度，是今年以來最高。不少在港嘆慣冷氣的移英港人都叫苦連天，有住在英國南部的人熱到跳晒掣，在網上發文大呻「屋企無冷氣嘅移英港人變晒林超英」。

有移英港人在社交平台threads發文表示，「呢幾日英國南部上到三十度，屋企無冷氣嘅移英港人變晒林超英」；又指自己在家中工作猶如地獄，「我WFH所以一到夏天就work from hell」。樓主惟有採用原始方法，「我哋係用原始冷氣，夜晚開大啲窗整涼間屋，日頭閂窗落窗簾trap啲冷空氣，不過頂到3點都係熱，加埋要煮lunch仲快熱」。

帖文引來不少移英網民共鳴，紛紛留言講述苦況，「我明..我都係住南部，西鈄+頂樓+只有天窗+apartment路過，今日個鐘顯示間房嘅溫度係32度」、「蘇格蘭嘅朋友表示已經熱到瞓唔到」、「心靜自然涼，但我靜唔到！好熱呀」、「我啲狗熱到傻咗，呢幾日下午要開冷氣」、「以前笑超英，而家成為超英，超越超英」、「唔止冷氣，我連風扇都無，就嚟熱到要7花園瞓」。

有駕駛巴士的移英港人留言指，「噚日人同車都烚熟.....，.多數係做緊嘢揸緊唔太感覺到 做完嘢行落車嗰下就嚟料」，有人則慨嘆「無諗過呢個時候返香港反而變咗避暑」。