大公文匯全媒體報道，有殯儀館日前登出招聘廣告，公開請仵工，月薪高達$30000至$45000元，甚至只需要小一學歷，引發網民熱議。

此招聘廣告由紅磡寰宇殯儀館發出，於上周四（5日）刊登在勞工處互動就業服務網站，職位名稱為「仵工（紅磡殯儀館）」，工作地點在紅磡。廣告中稱，該職位僅需要小一學歷，但要具備三年經驗，語言要求則是「良好粵語優先，懂讀寫中文」，並且「申請人無論男女，均可應徵」。

廣告亦表示，該工作的內容不算複雜，負責棺木運送、處理遺體、殮房清潔，亦要幫先人遺體化妝，每月薪酬待遇就視乎工作量而定，最低也有$30000起，頂薪高達$45000，多勞多得。而每天上班時間由七點至四點，每周工作6天，輪休制，間中需要超時工作，更列明員工約7天需輪值通宵班一次。

有殯儀從業者將該廣告轉發到Threads，引發網民熱議。有網民表示，這份工作「唔易賺」，籲應聘者三思，「唔好以為真係好容易......呢份人工我可以話畀你聽一啲都唔易賺，信不信由你！」、「絕對唔係一般人可以接受同忍受到嘅一份工作，無論係身理心理上都非常之難忍受！」、「返6日，要shift、要通頂、要ot，返工時間kam，仲要人工寫得勁唔清晰，加埋特殊嘅工作內容，攞返個中間數其實人工唔算好吸引」。

同時，亦有網民表示對此工作感興趣，「我想加入」、「點解我會有興趣」、「只有咩都無所謂，乜都唔怕既人先適合，諗住觀音經返工」、「即刻睇睇！」

有網民在留言詢問樓主「其實係咪一定要有經驗或者有關知識才會受聘？」，樓主則回答「好有緣份嘅都可能會請」。