大公文匯全媒體報道，不少港人移民英國後，不敢面對現實，為了維護面子，惟有踩低香港來自抬身價，有移英港人不禁質疑「其實係咪有d移英港人過度吹捧英國有幾好」。結果獲不少網民認同，「只要有返工貼近本地社會實況，就知道英國都唔係一個樂土」、「個啲通常喺係英國撈唔掂，所以要自我催眠英國好好」、「睇唔到英國嘅唔好，無限放大香港嘅唔好，係移英港人嘅日常」。

一名90後的移英港人在社交平台threads發「引戰post」，問網民「其實係咪有d移英港人過度吹捧英國有幾好」，他指自己本身都冇任何立場，但認為「唔係嚟到呢度，就要覺得所有嘢都係好，而係同時都要正視呢個地方係有好多唔好既地方，呢個先係移民嚟到一個新地方應有嘅態度」。

帖文引起網民熱議，不少人認同樓主觀點，「唔洗引戰，我exactly認同你講，喺好Ｘ多移英港人過度吹捧英國，呢班人可以話俾你聽，佢地大部分都年過40歲。佢哋咁做，無非都喺想認同佢地做移民呢個決定喺啱，唔移民嘅港人就喺onＸ，又唔學英文，又唔融入呢到嘅生活，淨係識去香港人市集。與其話佢哋係移民，不如話佢哋係移居。」

有網民指是自我催眠行為，「個啲通常喺係英國撈唔掂，所以要自我催眠英國好好，有人大聲話英國唔好，即係叫醒佢哋，佢哋梗係唔鐘意啦，唔通自認onＸ俾人昆咗嚟英國咩，怕冇面嘛。我覺得英國又幾好，我好食好住。相反有人想走但走唔到，你走到，然後話香港唔好，佢哋又會老羞成怒，叫你走咗以後唔會返嚟，香港好好咁。」、「只要有返工貼近本地社會實況，就知道英國都唔係一個樂土，利申我都係四十幾，有返工，唔鍾意圍爐」。

有網民認為是心態問題，「我覺得主要係『踩低人哋，抬高自己』嘅典型香港 toxic 心態 but 帶咗埋去英國佢哋以前可能會吹捧自己喺香港住嘅嗰區+羞辱其他區，依家就吹捧自己住嘅地區（e.g. 英國、英格蘭、倫敦、zone 2、etc）跟住踩其他人同佢嘅分別」。

有網民則指濕咗個頭，想回頭也難，「其實住過香港嘅人，都知道冇一個香港以外嘅地方係好得過佢。只不過有啲人唔想接受呢個現實或者唔客觀去評論香港。嚟到英國嘅人都洗濕咗個頭，或者啲人用吹捧英國有幾好嚟麻醉自己，咁樣可能會好過啲吧」。

有網民希望可以理性地去睇一個地方既好與壞，「每個人際遇唔同，有人移英所有嘢都好順利，有人移英後好艱難，每個地方都有好有壞，要自己真實感受過先知係咪適合。 如果單一話果個地方好同唔好，真係好膚淺。」