移英港人睇陳奕迅演唱會被手足批鬥

大公文匯全媒體報道，英國港人移民圈最鍾意內鬥互批，話說有移英港人日前在社交平台發文分享，在倫敦欣賞陳奕迅世界巡迴演唱會的開心經歷，但就被其他仇中移英人士拿來開刀，結果一場演唱會就變成批鬥大會！

歌神陳奕迅日前完成了他的《 FEAR AND DREAMS 世界巡迴演唱會》倫敦站的兩場演出，該兩場演唱會在全球知名的 The O2場館公演。一名移英港人事後在社交平台開心分享，表示今次是移英後第一個演唱會，個人十分回味當晚表演，「鍾意唱歌嘅人一定鍾意聽陳奕迅，好耐無聽過佢唱Live，連續唱咗兩個鐘無停過，狀態好得很，共鳴位游走自如」。

樓主憶述，當晚歌迷來自四方八面，「同場仲有好多台灣同中國嘅歌迷，聽Encore嗰陣佢哋都想聽廣東歌多過國語歌」。最後，樓主直言不枉長途跋涉5、6小時到倫敦睇騷，「不枉返完通頂真接搭5個鐘coach落去，夜晚12點搭6個半鐘coach返上Manchester，Encore唱到23:15先走，竟然趕得去 Victouia Coach Station」。

不過，有仇中移英人士趁機煽仇，重提陳奕迅2021年支持新疆綿事件，譏笑樓主「道德下限」，有人亦鬧爆樓主「低下指標」、「收皮啦你！」、「同happy伯送錢比屯門nana有乜分別?」、「unfollow」等。

然而，有人則持反對意見，「做人唔好咁辛苦，人哋都開下演唱會，你唔鍾意咪唔好聽囉，你用緊好多嘢都係中國製造㗎」、「每個人底線唔同...」、「繼續督灰啦，批鬥，隊自己人，搵位入，乜都唔准鍾意，見香港要即Ｘ」。