（大公文匯全媒體特約記者 陳惠芳）由邱禮濤執導，劉青雲、吳鎮宇主演，彭秀慧客串演出的電影《談判專家》，上映兩星期以來已錄得1,600萬票房，向來甚少現身謝票的吳鎮宇，於昨日（28日）聯同彭秀慧出席當日播映的謝票場次。鎮宇更表示，謝票辛苦過返工。

與劉青雲同樣甚少謝票的吳鎮宇，回想在《逆流大叔》上映時，謝票就如返工一樣，不斷去旺角場謝票，一有時間就去。當時覺得套戲好，希望盡量帶多啲觀眾入場。問到謝票會否比拍戲辛苦？鎮宇說：「的確係辛苦過拍戲，同埋係冇Point，因為一部電影要成功，先去答謝觀眾，冇得一嚟就用謝票去搶票房，要係有票房先去答謝人，唔係用呢個方法去推動票房。」

到《談判專家》票房快將達2000萬，會否再出來謝票？吳鎮宇：「我唔敢隨便應承。我真好忙，我個行李係大到搭唔到高鐵，真係要3個月後9月中才返到。」

導演彭秀慧今次以演員身份參與，更有幸演「劉德華老婆」，一對神經失常的夫妻。在謝票期間鎮宇搞笑地問：「劇組係咪問你有冇興趣做劉德華老婆呀？然後你就答：做呀！」彭秀慧承認是爽快應承，直至見到服裝才知怎麼一回事。「不過作為演員真係咩角色都要演，無所謂。我私底下都係呢個造型，只係大家比較少見。同埋同劉德華演戲有個好處，無論角色大與小，都一定唔會畀人剪走。」

戲中更被華仔錫額頭，這舉動又是否臨時加戲？彭秀慧：「嗰刻的確響起《天若有情》音樂，但我又冇乜緊張，因為一直都識劉生，感覺大家都好放心去演。錫額頭呢下的確冇特別去傾，睇番原來都幾浪漫。」