大公文匯全媒體報道，《東張西望》報道後，何伯何太事件引發全城關注。何伯何太今日（6日）於微信影音號開直播，交代何伯亡妻的首飾遺物分配一事，又談及450萬養老金最新進展。直播一度因為舉報被中止，顯示「主播安全整改中」。
昨晚（5日）何太在粉絲群貼上已故何太遺物照片並說：「這些都是何生亡妻剩下的，在佢細女保險箱。」有網民留言：「畀比仔女好正常，唔通送畀你咩！」亦有人說：「人哋亡妻東西都要爭取，只有一個字可以形容（貪）。」、「亡妻留低啲嘢都唔使諗喇！」不過有人覺得「亡妻不在理應歸現在的何太的。」何太深表認同：「是的，法律上是這樣的。」還有人說：「應該爭取屬於自己的東西」，何太就回覆：「何生也是這樣說。」
今日的直播中，何太改口稱「已故的何太太」，何伯則提及亡妻遺物指：「（亡妻）啲首飾多過我現任妻子，仲有啲首飾手鏈，鑽石戒指係埋曬嗰度，仲有翡翠手鈪擺埋喺（亡妻）嘅骨灰龕度。」他透露目前亡妻的首飾遺物在細女手上保管，並表示：「嗰啲係我買嚟送俾亡妻。」
有網民向何伯提問：「點解要攞返亡妻嘅首飾？」何伯表示：「要攞返，嗰陣時我冇夾萬擺咗喺細女嗰度，嗰陣時佢影出嚟買首飾嗰陣時候有曬單據。」何太更激動表示：「點解我先生送畀我啲結婚禮物，係自然送畀我，點解你哋要攻擊我？又話我呃又話我係騙子？」何伯強調亡妻的首飾並不是送給細女，只是「放喺佢度」，所以一定要取回。他解釋若果拿回亡妻的首飾：「擺喺自己嗰度，如果第日冇錢就攞嚟賣返出嚟之後用。」
何伯依舊「不忘初心」，談及追討450萬養老金的最新進展，何伯說：「梗係要攞返嚟，一定攞到返嚟啲錢係我搵返嚟，如果唔係點我都唔眼閉，我決心攞返返嚟，我要用嚟養老，全部攞曬，我留得嗰$4200，$4200點夠啊！養大佢哋都冇用，養到佢哋18歲都唔識報恩！」何伯何太又提及申請法援，何伯表示：「俾足時間我細女，如果逼到我最後我會同佢喺法庭見，法庭一見盜竊咗我啲錢，佢就要坐監。佢冇問過我冇通知過我，就等於偷我啲錢走。佢唔認我呢個老竇，我就唔認我呢個女。」
相關報道：
