（大公文匯全媒體 特約記者 陳惠芳）愛情不分年齡界，可是忘年戀相距太遠，且涉及家庭反目，還亮相《東張西望》高調解畫，那吃花生的觀眾就並非單純當愛情事件看了。全城熱議「何伯事件」，節目更派人在港鐵站外街訪，受訪女街坊認定何太呃錢「你會唔會鍾意個阿伯大你30幾年？」至於年輕女士受訪對何伯夫婦的觀感時亦說「新何太貪錢囉！搵笨囉！」、「穿金戴銀，如果你真係鍾意佢，你會為佢慳錢，你唔會拎到盡。」
何伯何太昨晚接受節目訪問，鏡頭前二人表現恩愛，何伯指斥子女是反派，細女於他們聯名戶口擅自提取430萬是跟銀行「串通」，何太指何伯戶口只剩4200元，她又拿出何伯當初送她價值十萬流星錘龍鳳鈪，表示將會典當做生活費。這對龍鳳鈪太耀眼，主持看了也嘩然。何太又被指身光頸靚，她説她的皮包並非多是B貨，其中一個真貨是朋友在廠取貨用了七百元購入的。至於她戴的珍珠耳環，她放在手裏來一個近鏡強調是假的。何伯自認清醒「邊個女人呃我，我一定睇得通」，何太強調注重名聲：「邪不能勝正勝」。
何伯事件除香港熱議外，也引內地網民關注，在小紅書發帖紛表意見。網民在社交平台開設關注組，又多了六萬人加入，網民幾乎一面倒認為何太貪圖何伯的錢財。
有媽媽級街坊表示：「首先話佢個女（何伯細女）攞咗錢啦，佢已經好緊張啦！你咁愛佢，你好介意嗰啲錢咩？你咁緊張佢啲錢㗎咩？你咁愛佢？咁而家冇曬錢喇，得幾千蚊喇，你係咪真係咁愛佢？」更斷言：「不出一個月會走啦，呢啲咁嘅女人！」但有男街坊表示：「搵伴係冇錯嘅，之不過究竟呢個伴……係真伴定假伴呢？咁個男人就要好小心去揀喇！」
何伯對於外界批評他們的言論，他有關注：「我愛錫我老婆㗎嘛，你咁樣鬧法，我真係好心痛，攻擊我的人，我當佢哋係瘋狗。」何太更指看批評她的留言看到凌晨，令她難以入眠，何太指：「對我不懷好意先會咁樣踩我。」面對種種批評，二人更齊心，何太表示：「當有個好人出嚟講句公道說話又畀人打擊咁，又鬧人哋係咪一夥，質疑佢係嗰個18歲嘅仔，又或者你係咪嗰個肥大陸婆呀！」對於子女不支持何伯再婚，他表示：「我帶錯咗佢哋嚟呢個世界，點知佢哋個心咁，攞曬我啲錢走，想我死！根本想我死！」何太指即使何伯娶的是其他女人，子女一樣會反對，因為認為他們只看重何伯的家產。何太更言：「佢娶個女人唔係我，佢哋一樣反對，你信唔信？因為為咗繼承權囉！因為我名正言順，成為咗合法夫妻嘅話，佢哋就冇咗繼承權，所以佢哋咪先落手為強，捲走曬我老公啲錢，等我老公一分錢伙食都冇。」
雖然現時何伯儲蓄只剩4200元，但有骨氣的何太為了不令人覺得她為錢而嫁何伯，她出私己錢養起老公。何太表示：「我頂唔順呀！因為我係好注重名聲嘅人！邪不能勝正！我哋為人正直！我哋會堅持走正確的路。」
外界對於何太想何伯拿出100萬元做生意，因而質疑何太的為人，二人解釋本打算用100萬元做飲食生意。何伯表示：「生意有大做大，有細做細。」何太心有不甘表示：「又話我呃佢錢，又話我會袋嗰100萬落袋，就唔會去創業做生意。」說到何時開始有做生意的念頭，何太表示：「我哋價值觀係一樣嘅！我都會錫住我老公啲錢。」何伯指因為有感何太仍然年輕，打算讓她做飲食生意。何伯亦坦言有心理準備會虧錢，只是想以100萬元來當試金石，而且錢是他賺的，且又非常清醒，不如外界以為他很好騙。何伯對於外界指女兒是想為他保管積蓄，他反指別人不知內情：「如果保管到我死，咁我點做生意呀，我仲想上大陸發展添！我想上珠海發展！」何太指外間批她太貪錢，太膚淺，她説：「我咪鍾意佢愛錫我，我覺得幸福囉！」何伯亦自信表示：「根本我挑通眼眉，邊個女人呃我，我一定睇得通。」
何太指兒子好生性，表示想賺錢養何伯，更悲從中來：「佢臨老過唔到世，好淒涼，我囝囝就話『我唔讀書，我出去搵嘢做賺錢，返嚟養阿叔』，我好感動。」
何太被問到如果450萬拿不回來，會否打工養家，她表示：「我一定會諗到生存的方法。」她說或者會回內地擺地攤，在街邊煎牛扒賺錢，但一定會帶住何伯。
相關推薦新聞鏈接：
