大公文匯全媒體報道，不少人都想歎一個下午茶鬆一鬆，最近有網民光顧大型連鎖餐廳，點了雞髀配西多士套餐，發現西多士竟然只有1毫米厚，諷刺「皮薄餡靚」。帖文引來網民熱議，不少人搞笑改名叫「西多紙」、「西多片」、「紙西多」、「西多咭」。
該食客於日前在fb群組「香港茶餐廳及美食關注組」發文，表示光顧大型連鎖快餐店，點了雞髀配西多士套餐，指「雞比（髀）配西多士，好食，皮薄餡靚，大推，唔記得配糖漿。」照片所見，碟上的西多士厚度竟然薄如紙，樓主自備拉尺，實測西多士只有1毫米厚。
帖文引來網民熱議，有人搞笑指「麵包都可以切到咁薄，有誠意」、「係炸一塊雲吞皮 ？」、「佢其實係... ...薄罉」、「腐皮黎嘅」、「用心良苦～突顯隻雞比嘅厚」。有網民認為「出餐嗰個見到塊西多士咁薄正常都要叫入面整過啦」、「呢啲麵包慳得佢幾多錢 索油都係索多些少」。
有網民質疑樓主「帶埋把尺去，早有預謀啦！」、「食飯都有把拉尺咁堅」，樓主回覆表示，「撈地盤呀」。
相關閱讀：
編輯：林犀
關鍵詞：快餐店茶餐廳西多士西多紙
評論
查看更多評論>>
加載中……
