(大公文匯全媒體 特約記者 陳惠芳)一連三場《炎明熹Gi-FORCE演唱會2024》,昨晚(14日)完美結束。尾場請到任賢齊擔任嘉賓,她更兩度落淚。
Gigi獻唱《星語心願》,她表示小時候看電影《星願》,已經很喜歡電影的男主角,Gigi隨後唱出《對面的女孩看過來》,任賢齊(小齊)此時突然現身合唱,讓樂迷大為驚喜,更全場大合唱為演唱會掀起高潮。唱畢,Gigi說:「畀啲掌聲任前輩。」小齊謙虛感謝Gigi畀機會自己做嘉賓:「因為我成間公司所有同事都好鍾意Gigi。噚日我喺新加坡做完演唱會返嚟,我啲夥計全部唔見晒,個個都嚟睇你,仲要一張飛都冇留畀我!同事們,聽住,聽日返工唔使咁早,好好享受今晚Gigi嘅演唱會。」他又笑謂Gigi與自己的女兒同一年出世,小齊搞笑說:「人多嘅時候叫我小齊哥,唔好叫Uncle呀。」
之後,Gigi送上繡有小齊名字的水樽:「我知你5月份開巡迴演唱會,所以我揀咗呢個,識自己煲水嘅水樽,呢個可以直接煲水,非常方便,我都繡咗你個名喺度。」小齊自嘲年輕的時候仍會飲凍飲:「漸漸就用咗暖水壺啦,好多謝你。我真係成間公司都講,佢係未來嘅天后,希望大家都畀多啲機會Gigi。」最後小齊再為樂迷送上《我是一隻魚》,全場跟着合唱。
Encore部分,Gigi特別為尾場的樂迷獻唱《你是你本身的傳奇》,坦言台下每位歌迷都是一個傳奇,一起成就了她的歌手夢,Gigi再一次落淚,對於這個人生第一個演唱會舞台、還有台下的觀眾,充滿不捨之情。唱到演唱會最後一首歌《Only For Me》,Gigi叫大家高舉手機燈合唱,望向這片燈海,Gigi不捨之情感動落幕。
相關報道:
編輯:Bella
關鍵詞:炎明熹演唱會任賢齊
評論
字號:小
發表
查看更多
加載中……