欲移英夫妻擬做「太空人」　網民踢爆：根本想丟低老婆仔女離婚

大公文匯全媒體報道，有港人家庭計劃以「太空人」方式移民英國，叫妻兒做先頭部隊，港爸則遲一兩年先動身。有網民斷定當中一定有古惑，指「爽YY，有咩開心得過送走老婆仔女？」、「正呀！老婆帶埋d麻煩細路終於走，終於拎返失去咗好好年嘅自由」。

有網民在fb群組「香港人移民英國資訊分享」發文求教，話「太太帶小朋友先申請BNO Visa，老公遲一兩年先自己申請。即使太太夠『5+1』，係咪都要等埋老公夠期先可以申請入籍？」有網民回應「呢啲一定係睇官網，官方答案先最有保障。」

不過，大批網民就唔多睇好，相信最終都會失敗以至離婚收場。有網民分享自身的經驗，「我都咁，獨立申請，過咗年會傾贍養費，畢竟咗個關係會gg……」、「剛有個朋友咁樣做！未夠一年離婚了！」、「預咗，我都有朋友係咁。而我老公之前都想咁，我話咁離婚算，係遲早問題。」

有網民直指「同枱食飯，反自修行，樓主連呢個咁簡單嘅道理都唔明？建議一律離婚收場」、「可能另一半一早有心裝無心，係灰啲！」、「光明正大先離婚，再找下家，算是好男人」。但有網民仍很樂觀，話：「只要兩人有足夠信任，四個人都會平安無事！」