（大公文匯全媒體特約記者 陳惠芳）陳家樂去年跟連詩雅（Shiga）結婚，二人將迎來首個農曆新年，他已準備大派利是。
家樂：「今年包利是有特別感覺，以前同佢拍拖嘅時候，我封我姓陳嘅利是封，佢有佢自己嘅靚靚利是封，今年我哋統一用一個利是封，大家一齊去揀選屬於我哋嘅利是封，個感覺都幾特別，感覺我哋係一條Team、我哋係屬於一個團隊咁樣去做呢件事。第一年真係一個家庭咁樣去派利是，都幾期待。」
農曆新年後緊接着情人節，同時亦是二人婚後首個情人節，不過家樂坦言「冇部署」，「因為我而家拍緊一部電影，希望完咗之後會同佢去到一個旅行。呢套電影都籌備咗一段時間，喺造型上有啲改變，要減肥，佢一路都陪我進行地獄式節食，所以完成呢部電影後希望可以同佢放假，情人節去到一個旅行，食返餐飽。」
提到不少觀眾大讚他於電影《金手指》中的演出，家樂表示有份參演已經很開心，觀眾留意到自己更是喜出望外，「咁多角色中我可以俾到深刻印象觀眾，好受寵若驚。亦都好多謝俾咗好多鼓勵我嘅導演，同埋兩位超級巨星：劉生（劉德華）同梁生（梁朝偉），有佢哋嘅演出先至會帶動到其他嘅演員可以交出一啲更加好嘅表現，因為有佢哋一啲咁好嘅演員，我哋先至會可以提升到自己嘅狀態，所以好多謝導演同埋兩位前輩。」
編輯：莫一傲
關鍵詞：陳家樂連詩雅利是
評論
查看更多評論>>
加載中……
