（大公文匯全媒體 特約記者 陳惠芳）歌唱真人騷《中年好聲音2》明晚（15日）播出60強淘汰賽，當中只有30位參賽者可以晉級下一回合。

今集有4位上回合奪得5燈的參賽者出場，包括吳萊邨、周文馨、朱博文和劉可，惟吳萊邨、周文馨和朱博文表現齊告失準，同陷危機。身為本季首位5燈選手周文馨憑《Unchained Melody》一鳴驚人，其獻唱片段在Youtube勁吸27萬觀看次數，足見其網上人氣高企。周文馨今集繼續挑戰英文歌《I Will Survive》，惟表現失準不夠氣，評審團更一度聽到皺眉，評審張佳添說：「呢首歌係好難唱，可能你不在狀態，照計你啲高音應該上到，好可惜，你揀呢首歌嘅risk好大。」

海外選手吳萊邨獻唱《別怕我傷心》，除了出現走音情況，還突然飆高音嚇到一眾評審彈起，評審伍仲衡說：「你唔夠從容，唱得好辛苦，好似行緊鋼線！」肥媽說：「你一緊張個聲帶就會收縮，幾歹都唱低半度，你真係自殺。」

上回合跳唱《頭髮亂了》的朱博文，今集挑戰慢歌《俏郎君》，博文還未獻唱完畢，評審陳慧嫻已忍不住大嘆：「個feel好似唔係極啱」，肥媽說：「你上次《頭髮亂了》真係正到嘔茄，你哋唔好自以為是，揀歌要再精準啲！」伍仲衡同樣直認失望：「你係我今集最大嘅期望，但宜家係由天台跌到去地牢！」

今集感人畫面是帶病上陣的林偉璣與上回合尋親成功的陳寶雄進行PK，戴上草帽、黑超、以藍色暗花西裝上陣的陳寶雄深情獻唱《你是我的女人》，他在台上感觸說：「喺《中年》呢度得到好多嘢，譬如同我堂阿哥重遇返，喺度識到好多兄弟姊妹，大家對我真係好好，同埋工作人員知我視力有問題，每一位對我都好照顧。」林偉璣聞言忍不住哭着說：「我哋從來唔係因為你對眼有問題而對你好，大家都係俾你嘅歷練同歌聲感染，真係好難搵到知音人。」偉璣一番感言更引爆全場淚水，場面感人。