（香港文匯報記者 梁靜儀）溫拿樂隊一共7場《The Wynners情不變 說再見 Farewell with Love演唱會》前晚在紅館圓滿落幕，五虎譚詠麟（阿倫）、鍾鎮濤（阿B）、陳友、彭健新（健仔）及葉智強（阿強）當晚落力獻唱，唱到最後一曲《兄弟》時五人強忍淚水，並手疊手齊聲高呼：「好兄弟係一世！」

尾場有不少圈中人前往捧場，包括有胡楓、鄺美雲、張智霖與袁詠儀、蔡一智夫婦、杜德偉夫婦、張艾嘉、莫鎮賢、朱潔儀、顧紀筠、何麗全、無綫主席許濤與太太陳祉妤外，還有鄧炳強局長及霍建寧等，而無綫總經理曾志偉兼好友亦有現身慶功支持。

完騷後溫拿偕同阿B愛女鍾懿齊一起接受訪問，阿倫先多謝幾位隊友的堅持，於音樂路上共同努力，亦多謝歌迷對溫拿的肯定，及要多謝當時幫樂隊由「Loosers」改名為「Wynners」的前經理人：「自此溫拿幾十年都係贏。」

當晚是溫拿樂隊在紅館的第73場演唱會，亦是在紅館開最多場演唱會的樂隊，大會更作全球直播，阿B表示開心能與大家齊見證破紀錄的一刻，及分享溫拿50年來的成果。

望做到離而不休別而不傷

說到阿倫和阿B兩人唱到《由始至今》時一度眼泛淚光，阿倫承認當時抑壓住淚水：「因為應承咗大家係開心Party，同埋實在有太多回憶，太多片段，不過都頂住咗，如果喊完唱唔到高Key，我哋純音樂，係實力派、天花板、頂流天團，希望做到離而不休，別而不傷，係好難嘅，但真係做到。」

香港站雖已圓滿結束，但溫拿樂隊9月即展開世界巡唱，阿倫表示第一站是澳門，之後再到星馬及大灣區等地方，還有一些私人騷及慈善活動，所以阿強暫時要移民返香港。

問到做足7場演唱會演出嘉賓的鍾懿，可會隨溫拿巡迴？阿B指女兒快將回英國返學，要視乎她學校的假期而定。他指女兒今次演出其實是做暑期工，她的同學都很羨慕。問到鍾懿收多少歌酬？她一臉茫然，阿倫即說：「阿B會畀錢佢，我哋又有啲利是。」阿倫又拿阿B當年破產的事來說笑：「鍾懿啲歌酬多少唔係重點，而係可以學習理財，因為老竇唔識理財，所以俾人呃。」阿B亦不介意被舊事重提，並大方說：「都幾十歲的人，唔會再俾人呃，有經驗㗎啦。」健仔亦指阿B經一事長一智。

爆陳友因貪靚血糖低見暈

早前因中暑暴瘦了廿幾磅的阿倫，身材很快又打回原型，不過他強調只是重了2磅，之後都有做運動keep返。

提到張學友在馬來西亞演唱會上暈倒，幸好沒事。正在開騷中的阿倫，已第一時間在台底收到風，他估計與天氣太熱有關，不過已知學友沒事，又爆陳友因貪靚減食幾日，在12號晚試過因血糖低見暈。陳友說：「因為血糖低要問人攞糖補充糖分，點知得八仙果。」阿倫搞笑說：「如果搵唔到糖就聞我對臭襪啦。」不知情的阿B亦關心學友說：「唔使谷到咁行，有返咁上下年紀就要視乎狀態，夠狀態就冇事，但每日都唔同嘅，所以食嘢要小心啲。」

（來源：香港文匯報B10：娛樂 2023/08/15）