渣哥毛記鬼打鬼　網民：「終於現眼報…」

大公文匯全媒體報道：黃絲見利忘義，又見鬼打鬼！臭名昭著的「黃色經濟圈」推手「大渣哥茶記」（渣哥），昨日在社交網站發文聲稱，想向大股東「毛記葵涌」購回股份，怎料對方獅子開大口，開出以倍數計的價錢，令整個團隊感到非常震驚。渣哥又話團隊可能會集體辭職，並揚言這是「向財雄勢大的上市集團作出抗議控訴的唯一方法」。昔日死對頭「龍門冰室」支持者開嘅fb專頁「渣家軍人西炒車事件簿」成員「Charles Wong」連環發帖，話「呢粒大花生真係好食，等咗咁多年，終於現眼報…」。

「Charles Wong」在帖文話，渣哥簡直係黃圈之恥，「之前就扮老C，枉100毛開行Turbo幫手搞C咗龍門，而家要分身家，又唔畀人連本帶利走，只可以畀番人哋幾年前入股時嘅計算，現有嘅所謂『市值』？？食相極難睇，當人哋係condom咩…？」譏諷渣哥又玩網上公審， 乘機唱衰人。

網民「紅白藍孩 RWBB」則揶揄「一年幾千萬營業額嘅『小店』仲係咪小店？打篇文就想營造到自己小市民單挑大財團咁」，有爭議就出篇長文反覆提醒大家自己係幾咁「毋忘初心」，直指嗰句「沒有渣哥的渣哥仲係唔係渣哥」，真係情緒勒索嘅教科書喎。

翻查資料發現，經營黃媒《100毛》及《毛記電視》的「毛記葵涌」，2018年底入股經營小食店的「渣哥一九九六」，持股49%。2019及2020年，毛記分別兩次投資經營餐廳的「大渣哥」及「大渣哥（貳）」，同樣持股49%。

相關報道：

3男子承認暴動罪　法官斥辯方求情「侮辱智慧」

「一樓一鳳」前經營者安排妓女被捕　妨礙司法公正判囚12個月