（香港文匯報 記者 梁靜儀）陳友、李璧琦（Becky）、龔柯允（Karen）、何基佑、杜燕歌與太太韓馬利等，昨晚（1日）到九龍灣出席福音電影《等一個擁抱》首映禮，兩位女主角李璧琦、龔柯允齊以低胸上陣鬥搶鏡。

戲中陳友與李璧琦、龔柯允飾演三父女，他的角色要拋妻棄女，他笑說：「因身邊冇朋友拋妻棄女，所以冇參巧對象。」之後當李璧琦在台上講述自己單親遭遇及戲中的感人戲份時，陳友即笑說：「我6點先打完科興第二針，你唔好刺激我呀。」之後影相又擺出金雞獨立甫士，並笑道：「冇事，頂得住。」

陳友接種疫苗後沒有聽從建議多休息便趕往首映，他表示本來都想改期打針，但因是相熟朋友介紹的醫生，故不想爽約，而且首映也不能缺席，只好同日進行這兩件事，他說：「我5點半打針，之後休息咗半個鐘，6點鐘坐車過來，冇乜唔妥，我食飽瞓夠同飲咗大支水至打針，打完又飲咗支水，做完嘢會返屋企休息，醫生怕我會肌肉痛，開咗止痛藥畀我，兩次打疫苗都冇不良反應。」對於坊間有市民接種疫苗後出現不同反應，問到陳友可擔心？他說：「我唔驚喎，依家有幾十萬人打咗針，離世數字都同之前一樣冇上升，打針係為己為人，一定要接種，你話完全唔擔心咩？我個人較理性，如果大家恐慌就睇返數字，數字最真實，證明唔係咁擔心，打咗自己安心啫。」

戲中陳友的角色晚年患上腦退化症，他的媽媽也是因此病過身，故他拍攝時感受特別深，他說：「我當時做錯咗樣嘢，我叫媽媽咩都唔好做，但原來佢會好悶，慢慢好多嘢就唔記得，患上呢個病。」

Becky透露戲中有段床上戲被刪，她說：「係講我同妹妹Karen喺床上談心，有着衫嘅，因為同對白唔連接，可能遲啲會有另一個短版，畀慈善機構做分享會，仲有我同何基佑有場閨房戲都刪咗，我哋係着住睡衣談心同按摩，都明白嘅，個故事咁樣去得好啲。」

因疫情放緩，社交距離放寛，戲院入座上限提升至75%，Becky都表示好開心，因有朋友想包場，並祝電影票房大賣。Karen指見到電影《一秒拳王》之前在一半入座率下票房都過千萬，希望《等》片亦有好票房。她又隨即反問Becky如果該片票房過千萬，會做甚麼？Becky笑說：「我又冇乜可以畀大家睇，  (做真正床戲？)Karen有料過我。」Karen就承諾然若票房收過千萬，會如戲名一樣跟大家逐一擁抱，並揚言會找數。