（香港文匯報記者 鄭治祖）所謂「一朝得志、語無倫次」，講緊嘅就係「香港眾志（中箭）」班二打六嚕。眼見港區國安法立法在即，「中箭」加緊所謂「國際戰線」嘅工作，出晒聲要求以美國為首等西方國家「制裁」香港。行動除咗獲大量「連登仔」同「黃絲」支持，「中箭」亦瞬間成為外媒追訪對象。不過，本身冇乜名氣嘅「中箭」常委敖卓軒可能以為自己變咗「政治明星」，即刻鬆毛鬆翼咁話，美國總統特朗普嘅角色唔太重要，而香港「政治運動」唔完美就係因為有班支持特朗普嘅「極右」分子。咁惹火嘅言論即刻令「連登仔」非常不滿，要求「中箭」「清理門戶」嘅聲音此起彼落。黃之鋒（河童）其後發聲明「道歉」，但就繼續死攬對方，網民自然唔收貨啦！
敖卓軒「連登仔」瘋狂互片
網上討論區「連登」連日出現多個帖文，批評敖卓軒在接受越南《BBC》同英國《衛報》訪問時言論失當，要求佢道歉同退出「中箭」。原本以為呢位「小人物」應該受唔住壓力會急急跪低，點知佢真係「明星上身」，喺個人instagram賬號囂張反擊「我喺華盛頓為場『運動』做嘅嘢，比起好多人一世加埋，都多千倍萬倍」，結果激到網民話要投票發起不信任敖卓軒嘅動議。正常人用水嚟救火，但佢就用油嚟救火，真係夠晒新穎。
facebook專頁「政治大嬸判」發文鬧爆敖卓軒：「潛台詞即係話：全靠我哋代表香港人走『國際戰線』咋，唔係你哋死×晒啦！×吖，香港人著（着）黑衫出街都畀（俾）人扑爆頭，你班契弟只係負責去講吓英文轉述，咁都叫付出好多，當啲手joke（手足）係乜？明明靠食『人血饅頭』上位，講×到靠自己，轉個頭又睇唔起支持佢嘅人，咁×巴閉回水咪搞眾籌吖！」
細嘅做錯事，大嘅點可以獨善其身？「中箭」秘書長「河童」日前亦喺facebook發文，賣可憐話「中箭」成員近日被多個機構點名批評，話佢哋推動外國「制裁」係違反港區國安法，所以若條例最終有追溯期，「中箭」成員將不知「未來會身處何方」，又聲稱「國際戰線」嘅成果絕對係用「前線」嘅血汗略臙囿返嚟，所以佢對敖卓軒日前喺訪問失言同心態問題，向支持者致歉，仲話對失信於大家「感到非常愧疚」。
「河童」道歉但拒「清理門戶」
對網民叫佢「清理門戶」，「河童」就扮大體咁話，「中箭」「取締在即」，寧願支持者歸咎作為秘書長嘅妘B理不善，都唔好叫佢逐人出「中箭」，又稱「不割席不只適用於對抗爭『手足』，也適用於對團隊工作的伙（夥）伴」喎。
眼見「河童」都要致歉，敖卓軒都唯有跪低，打咗篇七百字嘅文嚟解畫，但就講到自己只係表達不清晰，鬧人亦只係回應針對「中箭」嘅失實指控，最後仲以「感謝各位這段時間的提醒，共勉之」作結，講到好似大家都有錯咁。
不過，網民都唔多收貨，「Hohang Shum」就鬧：「你真係以為你『國際線』就大×晒？咁嘅態度，我寧願唔×要，打到你咁委屈唔好意思囉，以後唔好打啦，去享受你嘅千萬級生活啦敖帝！」「Fong Yuen」就擺明話唔收貨：「唔接受啦，你有幾高貴呀？手足用條命係（喺）入面坐先令你有得去傾，有乜咁巴閉要串（寸）人？」「Ho Siu Yun」就質問：「咁你補救咗未呀？表達得唔好，而（𠵱）家同人哋表達返得好啲未呀？」
同時，網民亦對「河童」非常不滿，例如facebook專頁「無神論者的巴別塔」就開post話「河童」嗰頭搞完眾籌就去「國際戰線」游說，仲post咗自己同德國外長馬斯喺街嘅合照嚟「交功課」，搞到唔少媒體都以為德國會聽「河童」支笛、參與「制裁」，結果德國外交部非常震怒，仲話唔會再同外國談中國問題，因為佢哋對選擇同邊個見面都會非常小心，官式會面亦一定會喺大樓內進行，所以其實德國外交部根本無諗過見「河童」，該專頁仲揶揄：「人地（哋）黃之鋒去到外國有得見高官，你班『勇武派』繼續響網上打飛機啦！」
