（大公文匯全媒體特約記者 陳惠芳）資深演員施明日前因肺炎離世，享年74歲。其兒子李泳漢向傳媒證實母親死訊，悲痛表示：「我還想跟她走下去，不是想送她最後一程。」

據悉，施明曾於2022年12月在家中跌倒，頭部重創需接受開腦手術，住院治療一年後終能出院與家人團聚。李泳漢憶述母親近年狀況時一度泣不成聲：「其實媽媽一直有定期去醫院檢查，近年都沒什麼大問題，通常住院幾日就可以出院。」未料病情突然急轉直下，最終因肺炎辭世。

李泳漢續指今次媽媽因血壓有少許高而入院：「大約一星期前左右，突然接到醫院打電話嚟，話佢嘔嘅時候，啲嘔吐物落咗個肺，搞到含氧度好低，要即時插喉幫助呼吸，如果唔係就唞唔到氣，之後情況都一直好穩定，仲以為可以好快甩咗條喉返屋企，點知嗰日清晨突然接到醫院電話，話我阿媽唔得、搶救緊，叫我快啲趕去醫院，結果去到佢已經走咗，我連最後一面都見唔到。」

李泳漢表示媽媽未有留下遺言：「其實喺2024年尾，媽媽經歷過一次生死邊緣，當時佢因為尿道塞咗，細菌入血令身體好多器官衰竭，結果一個月內做咗3次開腦手術，連醫生都叫我哋做好心理準備，但我阿媽好厲害，完全冇放棄過治療，奇跡地出到院。之後身體冇試過再有大問題，今次諗住佢可以大步檻過：估唔到反而會咁。」

李泳漢形容施明是一個偉大的母親，為了兒子未有再改嫁：「我仲想同佢走埋落去，唔係想送佢最後一程。佢從來冇放棄過仔女，任何委屈都自己吞晒落肚。」李泳漢透露已通知父親李家鼎：「阿爺（李家鼎）會同佢（李泳漢）講。（爸爸係咪好傷心？）當然好傷心，佢第一個反應『吓』咗一聲，當然都係接受唔到，唔能夠相信呢個事實。」