（香港文匯報 記者 子棠）曾志偉早前宣布卸下TVB總經理一職，回復「自由身」的他首個「新工作」曝光，就是夥拍薛家燕支持王梓軒首嘗電影製作人的《選美兄弟班》（Rags 2 Richmond）電影版，他更遠赴加拿大參與拍攝，在當地取景時吸引大批影迷拍照。

香港多棲藝人王梓軒自編自演的英語微短劇《選美兄弟班》於2024年底以網劇形式登場，劇集以溫哥華舉辦的第一屆男子選美比賽為背景，描寫關於友誼、野心及娛圈秘聞的故事，上線首月獲逾900萬點擊，隨即簽約數碼內容公司Viral Nation，開發電視電影版權相關項目。王梓軒、石祐珊及導演Simon Yin三位團隊主創，把短劇延伸製作成電影版，更邀得曾志偉和薛家燕加盟劇組，日前電影拍攝工作已順利完成。

重新定義IP誕生模式

難得有大前輩坐鎮，首次擔任電影製作人的王梓軒坦言壓力爆燈：「真係要特別多謝志偉哥同家燕姐，喺百忙中抽空飛嚟加拿大拍攝，佢哋啲期好難度㗎！我哋當然唔敢怠慢，事前已經傾好晒點做，因為志偉哥只有兩日一夜嘅拍攝時間，我哋都唔想錯過每分每秒，不過佢一roll機就即刻進入狀態，非常專業，睇到我哋個個工作人員拍晒手。」他笑指現場工作人員都打醒十二分精神：「佢哋知道係志偉哥，即刻話係『China's Jack Nicholson』（中國版積尼高遜），個個都知西片版《無間道》嗰個『大佬』！」

王梓軒又表示由劇本、微短劇到搬上大銀幕，整個過程籌備足足5年：「因為係音樂劇，除咗度劇本亦要兼顧音樂創作，冇壓力就假嘅。每日拍嘢都係瞓得三四個鐘，雖然係有啲辛苦，但係好感恩有一個好好的團隊，係一個非常愉快嘅經驗。」他指短劇版主題曲《Low Key》亦成為人氣單曲，帶他走上韓國節目《Show! Music Core》的舞台，亦獲邀於 Imagineland Seoul 音樂節演出！早前微短劇更奪得溫哥華亞洲電影節 「Ovasian Impact Award 最具影響力獎項」，為整個團隊打下一支強心針。他續說：「喺電影版開鏡前得到呢個獎，真係特別有意義。現在短劇形式喺全球盛行，唔止香港同內地多人睇，外國都好多人追網劇，既然短劇版喺社交平台得到世界各地觀眾支持、累積咗咁多數據，主題曲又有好成績，我哋好希望將呢個IP推返上戲院，成為大電影，重新定義一個IP嘅誕生模式！」

志偉「快閃」72小時

向來工作非常繁忙的曾志偉，這次在王梓軒的誠意打動下參與演出，更特意遠赴加拿大開工，卻只能在當地停留72小時。為抓緊時間，連倒時差都未過就立即埋位，其間又到溫哥華商場取景，吸引大批影迷及途人拍照。曾志偉說：「好開心見到《選美兄弟班》喺網絡上成績咁好，又攞埋獎。今次有份參與電影版，仲可以同家燕姐一齊拍，好開心。我好享受拍電影，雖然今次唔係第一次拍西片，但係外國劇組有工會制度，就算今次我只係留72個鐘，都照顧得我好好，有足夠時間休息。」他指香港拍電影以效率見稱，不同地方有不同文化：「其實係各有優點，作為演員，我兩邊都好享受。」據悉，這次的電影拍攝工作，更是曾志偉卸下「總經理」身份後首個「新工作」，無論台前幕後都喜迎曾志偉到場，趁拍攝空檔紛紛把握機會與曾志偉交流、合照。

該片除了有曾志偉、薛家燕及王梓軒的演出，亦邀得串流平台劇集《冒牌帝國》的女主角Jennifer Tong、荷里活演員 Shannon Kook及新生代演員、鍾麗緹女兒嚴書琴（Yasmine Ross）參與演出。

（來源：香港文匯報A20：娛樂 2026/01/16）