大公文匯全媒體報道，Chiikawa（吉伊卡哇）粉絲注意，7-Eleven突發推出全港獨家7-SELECT x CHIIKAWA烘焙系列，5款新品最平$12就有交易，當中必搶日本直送的白桃蛋糕及蜜瓜卷，連7CAFÉ杯都換上全新Chiikawa設計，Hachiware小八與Usagi兔兔齊齊登場。

Chiikawa系列5款甜品登場

<日本直送>Chiikawa芒果忌廉泡芙$16/件

泡芙入面濃郁嘅吉士醬，加埋芒果風味，甜而不膩。口感柔軟綿密，仲要外皮充滿蛋香，一定會一試愛上！

<日本直送>Chiikawa白桃忌廉蛋糕$16/件

蛋糕添加咗真桃子粒，食落有清甜果香。內餡用咗柔軟嘅忌廉，搭配埋白桃嘅清新味道，口感豐富又唔膩，係你嘅幸福感來源！

Chiikawa朱古力巴斯克芝士蛋糕$28/件

牛奶味醇厚嘅忌廉芝士，結合埋濃郁嘅朱古力味，每一啖都充滿驚喜！內裏柔軟滑膩口感，配搭一層朱古力海綿蛋糕，層次豐富，巴斯克芝士蛋糕迷一定要試！

Chiikawa蜜瓜吉士包$12/件

以日式烘焙技術製作出鬆軟嘅蜜瓜麵包，麵包入面仲加入咗香滑嘅日本蜜瓜吉士，每一啖都會散發淡淡嘅蜜瓜清香，甜食都可以食得清新！

<日本製造>Chiikawa蜜瓜忌廉瑞士卷$14/件

鬆軟蛋糕配埋幼滑香濃嘅蜜瓜味忌廉，入口軟綿，口感豐富，鍾意蜜瓜嘅你點可以錯過。

7CAFÉ杯套換Chiikawa新裝

新一年，7CAFÉ將會繼續為大家送上唔同嘅醒神驚喜。今次7CAFÉ推出Chiikawa系列，為熱飲杯同凍飲杯套換上2款新裝。2款設計都獨特可愛，印有Chiikawa、Hachiware、Usagi及Momonga等人氣角色。

由即日起，嚟7CAFÉ買各款凍熱即磨咖啡就可以擁有Chiikawa限定熱飲杯/凍飲杯套，數量有限，粉絲行動要快啲喇！

Chiikawa硬卡簿/刺繡網袋/亞加力匙扣

今期7仔為Chiikawa迷帶嚟一系列超可愛又實用嘅新品，快啲睇吓有咩心水啦！

Chiikawa硬卡簿（4款）

Chiikawa、Hachiware、Usagi同Momonga以各式各樣嘅可愛姿態現身，等緊你帶佢哋返屋企！無論你係想寫吓生活日記、做功課筆記，定係隨手畫吓創意草圖，呢本筆記本都係你發揮創意嘅最佳舞台！

產品尺寸：約L18cm x W13cm x H1

Chiikawa刺繡網袋（4款）

Chiikawa、Hachiware同Usagi嘅經典造型，全部繡晒喺呢個刺繡網袋上面！呢4款網袋顏色柔和，而且高收納功能，收納日常小物必備！

產品尺寸：約L21.5cm x W1cm x H17cm

Chiikawa亞加力匙扣（2款）

一眾角色嘅可愛魅力，全部濃縮喺呢個亞加力匙扣度！設計小巧精緻，仲配埋清脆嘅鈴鐺聲，令人愛不釋手！無論掛喺鎖匙、定係手袋上面，輕鬆展現你獨一無二嘅個性！

產品尺寸：約L11cm x W1cm x H16cm