大公文匯全媒體報道，ViuTV選秀節目《全民造星VI》總決賽昨晚（1月4日）在澳門舉行，《全民造星VI》總決賽由最後11強爭奪冠、亞、季軍殊榮，古天樂擔任評判。他近來風塵僕僕為《尋秦記》在內地路演，曾因缺席被傳不適入院。

患感冒否認入院

古天樂甫現身主動表示身體無恙，還繼續交戲表示從古代返回現代，又說：「大王請咗假又冇講聲，文臣咪有啲擔憂囉！」對於有粉絲在社交網指古天樂在內地行程期間一度入院，他叫記者去問爆料粉絲，之後就否認入醫院一事，叫大家「唔使擔心」並說：「我有少少傷風感冒，已打針食藥」，更言小病是福。

向華強有份投資

對於向華強曾表示有份投資《尋秦記》，原因被古天樂對電影誠意打動。古天樂直認說：「向生、向太（陳嵐）是我非常尊重嘅電影公司老闆，向生真係好好，好提攜後輩，佢有份投資㗎呢部！」至於《尋秦記》主題曲《天命最高》翻hit，他不排除再會開金口唱歌，但暫時未有出歌計劃。古天樂透露有睇過《全民造星VI》，直認想發掘新血及了解年輕一代的能力。

舌戰司儀轉數快

此外，節目開首時司儀強尼逐一介紹今晚評判，當介紹到古天樂時，他說：「特別多謝古生，因為你近排風塵僕僕去謝票，同埋身體好嗎？」台下的古天樂說：「你講咩呀？聽唔到你講乜？」他隨即將名牌反轉，原來還有一個名牌寫着項少龍。強尼見到「項少龍」即說：「項少龍因為你髮型顏色由白變咗黑，我啱啱都要幾秒時間先可以肯定到，項先生我都肯定你有好強的穿越能力，除咗你嘅角色之外呢，近排你不斷做宣傳謝票啦，好似一秒間都走來走去，你嘅穿越能力非常強勁，駛唔駛表演一次畀我哋睇？」

古天樂反問：「我想問你我穿乜呢？」強尼都被他考起，慢了一下，隨即說：「穿⋯⋯穿咗每個人嘅心啦，呢套劇、呢套戲，貫穿咗我哋20年，由電視走到電影，貫穿咗我哋個心。」古天樂再考強尼：「咁我越乜呢？」強尼：「越就應該係……《尋秦記》應該好有機會超越香港電影票房所有歷史紀錄。」

（大公文匯全媒體特約記者陳惠芳報道）