大公文匯全媒體報道，話說英國老鼠數量激增，有移英港女大呻自己入住一個猶如無王管嘅公寓，收集垃圾的地方有大到似龍貓的老鼠周圍爬，然而地方市議會和大廈管理公司卻互相推卸責任，直斥「錢就照收，但管堆屎比你，非常符合英國國情」。

該名移英港女在社交平台threads發文大呻，「係英國遇到最困擾嘅都唔係咩，搵唔到工、無錢（但窮）、生活苦悶 政黨無能、交好多税，而係你住咗係一個猶如無王管嘅Apartment」。樓主奉勸買樓租樓前要上網睇清楚，「我屋企人接手呢個物業個陣都係平咗10000鎊咁賣比佢哋，應該係因為個管理公司太差了」。

樓主表示，近幾個月落樓扔垃圾時，不時見到老鼠橫行，「下下幾隻大到似龍貓咁嘅米奇周圍爬，持續咗幾個月...」，於是打電話到地方市議會投訴，結果對方就卸責給管理公司，「今日打去Council問有無得處理，見佢個桶寫住Bolton Council，佢有Service話可以每3個月包一次免費Treatment，打完去就話你個Bin Area因為屬於Apartment範圍，所以你要聯絡個管理公司」。

其實樓主一早已打過去管理公司投訴，但對方表示已不再負責管理該物業。樓主不禁語帶譏諷地指，「最搞笑係收管理費個陣又係呢間公司寄出for今年個季度，真神奇」。其後，樓主再發文交待後續發展，指管理公司着她找Council處理，「依家有新射法咁解，因為你交咗稅，你叫Council叫人做嘢啦」，樓主揶揄「有趣，到時又睇大家點射波」。