（香港文匯報 記者 子棠）林子祥（阿Lam）正與葉蒨文（Sally）在紅館舉行演唱會，前晚（12日）的第4場適逢阿Lam的78歲正日生辰，令演唱會瞬間變成生日派對，不單止有群星拍片祝賀﹐仔女孫女還全家突襲上台，更有全場八千觀眾跟阿Lam齊齊賀壽，令阿Lam感動到流下男兒淚；加上陳奕迅（Eason）無預警下現身舞台，全晚驚喜不絕。

演唱會每晚唱完《零時十分》例牌有生日環節，當晚的壽星公是台上的阿Lam。Sally對阿Lam說：「我好似識一個人生日……係你！我第一次唱《零時十分》時，問阿Lam乜嘢意思，佢話林振強寫嘅，唔知喎。跟着佢唱《十分十二吋》，我又問乜嘢意思，佢又話唔知！你講啦！」阿Lam謂：「總之我𠵱家個車牌都係1012。」

洪金寶望再續片緣

Sally繼續大爆阿Lam生日上午的搞笑對話：「我同佢講Happy Birthday，佢竟然問『我今年幾多歲？係咪77？』我話No！It was last year！」全場笑到碌地。阿Lam尷尬叫停：「唔使講咁多啦。」但Sally堅持要講：「你有冇試過生日有咁多人同你唱生日歌？」隨即帶領全場大合唱。接着台上大屏幕播出重量級祝賀片，包括劉德華、郭富城、楊千嬅、李克勤、容祖兒、運動員林丹、導演賈樟柯等，片中許冠傑更自彈自唱，洪金寶還跟阿Lam說：「我真係好希望有機會再拍一套《貓頭鷹與『老飛象』》。」

正當以為送完驚喜，Sally話：「仲有你識嘅人！」兒子林德信同太太即刻抱着孫女林明上台，孫女仲親親爺爺，甜到漏。Sally哽咽透露更大驚喜：「個女April啱啱喺美國飛返嚟。」原來阿Lam完全被蒙在鼓裏，父女相擁場面感動到爆，流下男兒淚。切蛋糕時Sally問要不要再唱生日歌，阿Lam搞笑耍手：「唔使啦，咁樣仲點唱歌啊？」最後神來一筆：「最大嘅surprise就係生日我可以放假。我唔使再唱啦，係咪？」引得全場觀眾再次爆笑。

Eason笑言甘拜下風

驚喜一浪接一浪。當晚捧場客有張艾嘉、洪金寶及太太高麗虹、Eason及母親、曾志偉、周國豐、黃博及張王幼倫；演唱會尾段，Eason突然驚喜現身舞台，令阿Lam及Sally驚喜萬分。三人更於台上合唱《數字人生》，由於歌曲節奏是愈唱愈快，唱完後，Eason五體投地，甘拜下風問二人：「你哋點做到？」十分搞笑。完show後，阿Lam跟Sally返到後台，主辦方及工作人員送上幾個蛋糕，為阿Lam慶祝生日，這個12點前的驚喜，阿Lam照單全收，多謝大家的祝福。

（來源：香港文匯報B01：娛樂 2025/10/14）