（香港文匯報 記者 蕭景源）放題餐廳一般都有限時，以及不准食客擅自將食材或飲品帶離餐廳等規定。網上則流傳一段拍攝到一名男食客將大量海鮮包括生蠔、蟹、魚片、蝦，以及肥牛和公仔麵放入隨身環保袋企圖帶走的片段，結果被餐廳職員踢爆。初時該食客只肯取出一袋裝滿海鮮的膠袋及一大把肥牛，其後在職員再三勸喻下，始將身旁整個環保袋交出，職員亦不禁驚訝道：「成袋呀？」
據悉，遭食客食又拎的是荃灣廣場一間火鍋店，事件上周六（27日）中午，相關片段由職員的隨身攝錄機拍攝。片中可見一名男職員持托盤走近一張放滿食物的二人枱，非常禮貌地向一對正在用餐的男女顧客表示：「CCTV打電話落嚟，見到係咪唔覺意攞咗啲嘢食落個袋？」。初時該對男女亦未有承認，直到職員勸喻：「麻煩攞返出嚟，因為睇住我做緊嘢，攞返出嚟就簡單啲，因為食物衞生啦始終都。」職員緊接又給予落台階稱：「唔緊要嘅，食到可以全部係度食」。
此時該名男食客始從身旁一個黑色的環保袋中取出一個袋滿海鮮的膠袋，其後職員再要求男子取出袋內的肥牛，但男子立即表示該些肥牛不屬於火鍋店。但職員堅持要求男子交出袋內所有擅自拿取的食材，「嗰啲牛肉應該係我公司，唔好意思，攞埋出嚟，仲有啲蝦呀，不如成盒攞出嚟好嗎？始終都要保障返顧客，食幾多唔緊要，我哋大把時間，但就唔可以攞走，因為張貼曬出嚟，麻煩曬。」
男子隨後從袋內徒手取出一大把肥牛後，開始表現慌張，不自覺地用剛拿過肥牛的左手撥頭髮，與其同枱的女子則一言不發。在職員堅持下，男子最終將整個環保袋交予職員，令職員亦為之震驚：「成袋呀？」。職員隨後將該個環保袋和所有曾被放入環保袋的食材取走及放在枱面檢查，可見當中有生蠔、蟹、魚片、蝦、肥牛及公仔麵等，片中亦傳出職員稱：「啱啱喺A49見到個客盜取比較多嘅食材拎走」，片段就此結束。
有關片段在網上火速瘋傳，不少網民直斥該對男女行為「肉酸到爆」、「攞咁多誇張咗啲喎，起碼整到兩餐」，又指「個肥仔肯定好焦急，佢徒手嗱完一堆肥牛之後，竟然冇意識地撥頭髮⋯」另有網民稱讚該名職員處理手法專業，全程非常有禮貌及表現大方得體。
