演唱會Stephy任嘉賓　林家謙夢想成真合唱《十分愛》

（大公文匯全媒體 特約記者 陳惠芳）林家謙《White Summer》演唱會第四場，請來鄧麗欣（Stephy）作嘉賓，兩人從一個大禮物盒中登場，合唱《十分愛》，瞬間點燃全場觀眾的氣氛。

林家謙難掩興奮之情，對着Stephy坦言：「多謝你，我願望成真啦，我有個夢想就係可以同你唱《十分愛》呀。」Stephy好奇追問：「你之前提到細個嗰陣，細個係咩？依家講下。」林家謙回應：「我細個唱K成日唱呢首歌囉，以前只係同聽單聲道版本合唱，今日終於同『行走』的單聲道合唱！」當Stephy笑問「細個即係幾歲？」時，林家謙即超速轉數：「六歲就渴望愛情呀，哈哈哈，冇咁細，我唔係MC（張天賦）。」引發全場大笑。

Stephy於台上多謝林家謙早前為她寫了《戲一場》，「好開心收到家謙為我創作這首歌，佢不單出嚟同我傾計，又細心問我想要啲咩，又好快就寫好，個demo版本已經好好聽，我成日係屋企J首Demo , 依家都係我個playlist到。」林家謙受寵若驚：「嚇？Stephy我嗰啲......嘩，咁好，多謝多謝，受寵若驚呢個，可以寫上Wikipedia，比Stephy J我啲歌」Stephy笑說，「咁下次再多多合作啦！」林家謙幾乎係即刻答應，「得呀，我哋合唱都得。」

之後二人再合唱《心急人上》，將現場變成大型卡拉OK現場。林家謙分享：「呢首都係我童年回憶，以前同表姐們係K房一定會關燈跳唱呢首歌呀。今日表姐佢哋都有嚟呀，叫埋佢哋一齊跳，哈哈......」Stephy則笑道：「我今日就係想睇你跳舞！上次你紅館演唱會，我有來睇呀！你啲舞蹈，真係睇到我『嘩嘩』聲，哈哈哈。」