（大公文匯全媒體 特約記者 陳惠芳）香港恒生大學昨日（6月3日）舉行第五屆榮譽博士學位頒授典禮，許冠文獲頒授榮譽博士學位以表揚其在演藝界的卓越成就，許冠文的太太及孫輩也有到場見證。面對影業不景氣，許冠文相信仍有希望，並鼓勵年青一代勇於嘗試，且要放膽搏，敢煮那桌世人未嘗的「好餸」。
許冠文今日好高興，孫仔孫女都有出來親證這個時刻，最難得是他們就讀大學，可順便參觀大學環境。對於能有今天的成就，許冠文表示從沒想過：「我最初讀社會學，從來冇諗過喺電影幫助我咁多，大家可能睇我嘅作品都係好地道，好大眾化，但其實我讀社會學嘅時候已經潛移默化，已經係跟住大路走。同埋我知道電影係好影響人，尤其係我。後期我覺得電影係有社會責任，唔單止娛樂咁簡單。以前我唔係好信，漸漸覺得電影係會影響一切，因為我哋由細睇到大。」
許冠文更對香港電影有信心，表示香港人仍然願意入場支持高質素香港電影，他說：「電影而家係好好環境，因為今年有兩部片票房過億，即係觀眾話畀你聽，我哋唔係完全唔睇，我哋係已經揸住錢，啱睇就會過億，如果普通呢？咁就唔該你喇，我哋而家就係一係唔食，一係就要食餐好嘅，唔該你煮餐好嘅咁解，我個夢就係點樣煮餐好畀香港人食，都唔剩止，希望全世界都睇到香港嘅電影啦，咁先係最緊要。」
編輯：Akira
關鍵詞：許冠文香港恒生大學榮譽博士
評論
查看更多評論>>
加載中……
