劉德華與鄭則士大銀幕「反目成仇」！《獵金·遊戲》曝幕後火花

大公文匯全媒體報道，由劉德華、林小強監製，邱禮濤編劇、執導，劉德華、歐豪領銜主演，倪妮特邀演出，黃奕、蔣夢婕、鄭則士、劉以豪主演的金融犯罪鉅製《獵金·遊戲》今日（8日）上映。

劉德華於《獵金·遊戲》中飾演金融大師一角，以一頭白髮造型帶來耳目一新之感覺，展現自信爆棚的氣勢。華仔暢談角色有趣之處。至於繼《潛行》後再次同框又有密集式對手戲的劉德華及鄭則士今回關係大逆轉，形成對立狀態，二人均大表期待今次在大銀幕上展現出早已形成的默契。

華仔及導演邱禮濤在《拆彈專家》系列可謂最佳拍檔，二人則透露今次共同挑戰全新題材，旨在為觀眾帶來新鮮感，有信心故事會讓觀眾有所共鳴。

現場粉絲甫見三位嘉賓出場，即引來一陣為之瘋狂的歡呼聲。全場焦點落在華仔和Kent哥於大銀幕再度合作，華仔憶述：「當年離開電視台之後，第一部就係同Kent哥合作，佢去到而家都會有好多新嘅提點，喺現場會有好多火花，導演好好叫我地放開去做。」；至於Kent哥就直言：「每一次合作都有唔同嘅感覺，好多時都係去到現場感受，我哋事前唔會特別夾定，留待拍攝時候一齊去交流，我覺得呢個係好特別嘅方法。」

華仔更大讚片中對手歐豪態度認真：「記得我認識歐豪嘅時候，佢係一個跳唱歌手，之後參與不同作品一直見到佢嘅進步，今次佢嚟到現場都做足準備功夫。」被問到三人希望觀眾帶走什麼離場？導演邱禮濤指：「了解金融市場喺今日生活入面係咩一回事。」華仔語重心長指：「希望大家都潛移默化，喺電影入面得到自己需要嘅養份。」而Kent哥則笑言：「希望大家睇得開心，唔係叫大家買定唔買，最緊要唔好亂咁買。」