（有片）謝霆鋒秘密預錄港鐵廣播寵粉　即日起呢兩站隨機觸發（附詳情）

（大公文匯全媒體 特約記者 陳惠芳）等足廿五年，終於等到《謝霆鋒進化演唱會》今晚（24日）於啟德主場館引爆！但今日乘搭地鐵去啟德園更驚爆，地鐵月台突然聽到霆鋒把聲，有歌迷開心到在車廂中失控大叫；有人為此，再坐多一轉，希望錄得霆鋒聲音，地鐵頓變成歌迷會派對。

港鐵月台突然傳來「鋒聲」，原來早前港鐵吉祥物「鐵仔」在官方IG公開召喚霆鋒，「邀請霆鋒喺啟德站同大家say個hi？」全城歌迷即留言轟炸式助攻激烈敲碗，有fans乘機深情表白，「由細到宜（而）家都一直好鍾意你」，亦有歌迷點唱，「好想你唱《如果只得一星期》」，又有歌迷搞笑問到：「霆鋒係咪會睇到㗎⋯⋯」終以誠意打動霆鋒，秘密預錄站內廣播。

由今日（24日）起至27日，宋皇臺站與啟德站將隨機觸發彩蛋式廣播，霆鋒親聲引航：「記住係D出口 順住人群唔好《逆行》 咁就唔會遲到啦！」就連散場時段都暗藏驚喜：「大家唔使急 下班車好快到 快啲返去休息喇！」化身「人肉導航」。