《豪門夜宴》兩代笑匠同場　許冠文冀周星馳再演戲

（大公文匯全媒體 特約記者 陳惠芳）香港流行文化節早前在香港文化中心放映電影《豪門夜宴》，該片是為華東水災賑濟而籌拍，主角曾志偉看足全場，再次感嘆這次一呼百應全明星演出非常難得，其中許冠文更是相隔多年再次出山，還與周星馳做對手，兩代笑匠同場成為一時經典。

電影結尾之中，眾多角色相聚於飲宴，許冠文和周星馳兩代笑匠爭食雞頭戲一幕，曾志偉指是他們臨場發揮。許冠文早前接受文雋主持網上節目訪問解話說：「冇㗎，佢哋好似係有啲啟示不如咁樣啦。我同周星馳講唔使啦，我哋是但搵樣嘢搞嚇都得㗎啦。佢坐喺度話，咁你諗啦。我話呢度有隻雞，我話係雞頭你話係雞屎忽，大家就係拗呢一段。佢話好呀，我哋試嚇玩嚇，就度咗呢一段出嚟。」

文雋問到許冠文如何看周星馳？他說：「周星馳係一個非常之好嘅演員，其實佢演乜都得，尤其是演戲邊一樣都冇問題，但係佢選擇好似我咁，由頭到尾全部都演喜劇，而家都係。」

許冠文續說周星馳的表演模式沒有多大的改變，「都係無厘頭咁樣，因為個模式係新嘅，等於我個演法都係一樣。我覺得我同佢而家都差唔多，個模式都係咁上下。所以整整下，或者可能佢都唔想演……佢唔係唔想演，而係演嚟演去都係咁上下，咁佢就去做導演。」他又以自己接拍《破·地獄》作比喻，希望周星馳再拾演戲的意願：「或者周星馳，而家見到我咁樣（改變戲路），我都希望佢可以出嚟演嚇戲。」