啟德騷加開一場仍供不應求　謝霆鋒：將繼續爭取

香港文匯報報道，謝霆鋒將於今年4月在啟德主場館舉行兩場《Evolution Nic Live謝霆鋒進化演唱會》，門票將於2月19日公開發售。上月的信用卡優先訂購，迅速引發全城搶飛效應，門票即時秒殺，甚至一度被炒至天價。正當歌迷擔心不知是否可以搶到票之際，主辦單位英皇娛樂前日公布加開4月24日一場，希望大家可以搶到票。

這次霆鋒演唱會，票價分為HK$1,380/1,180/980/680，每人限買4張，除了坐位同時亦有企位。據知這次舞台除了本地所有精英一齊合力，大會還邀請到國際級的舞台製作公司Stufish為舞台做設計，Stufish曾經為Adele、Beyonce、Blackpink、Lady Gaga、U2等等設計舞台，創意無限。目前團隊正努力籌劃，希望能帶給觀眾聽覺、視覺感受上不同的體驗。

謝霆鋒亦出 post 表示，「真係好感謝大家嘅支持！雖然隔了20多年再開演唱會，但大家都係咁熱烈，真係好感動。可能大家都會諗點解隔了咁多年才再開演唱會，當然有好多考慮因素，合適嘅場地、合適嘅時間才可以呈現我心目中嘅音樂旅程畀歌迷。對我嚟講，今次唔只係一個演唱會，而係我同大家一齊見證香港啟德場館啟動呢個歷史性時刻，亦係香港演唱會文化嘅另一次『進化』。有好多歌迷都擔心搶唔到飛會好失望，我真係有聽到㗎！所以我哋盡力爭取加場！現爭取到4月24日多加一場，往後我會繼續爭取，雖然檔期唔一定能連續加，但我一定會喺將來安排更多場次，盡量滿足大家，希望大家唔使花嗰啲唔合理嘅價格去買飛。四月見！」

（來源：香港文匯報B05：娛樂 2025/02/15）