大公文匯全媒體報道，關愛座再起爭執。一名港女近日指完成全身麻醉手術後一日，乘搭港鐵回家時坐在關愛座休息，一位老婦當面要求她起身讓位，雖然事主拒絕後解釋身體不適，惟被對方責罵不符關愛座資格，怒批「不知羞恥」，引發網民熱議。

該港女近日於社交平台Threads發帖，稱事發前一日剛在醫院做完全身麻醉手術，翌日出院乘搭港鐵回家時，因身體仍未恢復，便坐在優先座看手機休息，不料一名老婦向她走來，以手敲其手機稱「你知唔知呢度關愛座位嚟？係俾阿婆坐，你仲唔起身？」

事主耐心解釋稱身體不適，惟老婦質問「你個樣邊似唔舒服？唔舒服仲玩電話？你望下個板，邊度有講唔舒服可以坐？淨係寫老人家、大肚，大肚你就唔似㗎啦」。影片可見，老婦上下打量事主後，辱罵「又無拎拐杖！咁大個女都唔識羞恥」，事主不願與對方繼續爭辯，便選擇沉默。

事後，該港女將此事發布至社交平台，並表示如若老婦人見到該條帖文，希望可以教育她尊重別人，「鬧人前諗一諗，唔好咁自我中心，間中諗下人哋處境」，並質問「係咪以後坐車，坐關愛座，大家都要貼自己病症出嚟先唔會被批鬥？」同時樓主認為「就當我冇做手術，我返完通宵更，好攰嘅話我都認為自己有資格坐任何一個位」。

此事引起網民熱議，認為涉事老婦過於偏激，「坐關愛座要申請？只有長者先可以坐？」「我都見過無數次有老人用命令的語氣叫人起身畀個位佢哋，話呢啲位淨係俾佢哋坐」，「有時老人家真係恃老賣老㗎」，「佢憑乜嘢去教育同批判人？」有人表示「『優先座』唔係一定要俾佢坐，我冇大肚、冇傷殘、未老、不是小孩，但我病我攰，點解唔坐得？」

有網民亦遇到類似情況，「我試過骨折打晒石膏坐唔係關愛座都俾啲人鬧，話我咁後生就讓個位俾人坐」，「我係試過坐普通位，俾個老人家指住我叫我起身讓位畀佢」，「我都試過做完手術坐關愛座。我直接拉起個傷口，話畀個阿婆知我做完手術。她立刻無聲出」，亦有人指倒不如直接取消關愛座。