（香港文匯報記者 阿祖）鄭嘉穎與太太陳凱琳（Grace）昨日出席珠寶首飾店活動，二人佩戴合共過千萬鑽飾，全程手拖手表現恩愛。最近嘉穎夫婦被指再缺席「鐵馬家族」團拜，令不和傳聞甚囂塵上，嘉穎對此大感無奈，再三否認不和之說，強調現在一定會以小朋友為先，大時大節都會將時間留給陪小朋友。

嘉穎坦言甚少夫妻檔出席活動，也是特別日子才一起亮相，Grace笑言平日叫老公在她的KOL短片出鏡也不肯，嘉穎即說：「唔使錢就搵到我，老婆畀條生路吖，要搵飯食！」不過嘉穎也讚太太所拍的短片親自度橋，演繹上也拿捏得好，並會先試幾個版本給他看過才演出。是否當了太太的導演？Grace指老公其實是個好編劇，嘉穎則指自己只是畫龍點睛。Grace不停拍片賺錢，現是否比老公賺更多？Grace直言不會，嘉穎則替她開心，但一樣不能少給家用，且大家經濟獨立。Grace表示其實觀眾很想看到她跟老公一起出鏡，不少人會問有關嘉穎和三個兒子的問題，最開心是讚兒子們好得意。

今個新年，Grace表示少外出拜年，也少朋友來她家拜年，因家中有少許事情不方便，問是否因此今年又再缺席「鐵馬家族」團拜，她說：「有好幾個朋友都講下次先，因為要照顧家人，唔想戴着一個面具，日日都要笑騎騎咁。」鄭嘉穎則說：「朋友其實好簡單，唔需要搞到好複雜，冇話唔出席一些聚會就代表唔妥，呢個話題都講咗一年有多，唔再想重複回答，冇講話咩不和，大家不用擔心，只係冇見面又冇咁啱夾到時間，同埋都好悶，成日提呢啲話題，見到咪見囉，其實有小朋友嘅父母都知道，永遠大時大節都會將啲時間畀晒小朋友，唔同嘅人生階段，會去做唔同嘅嘢，現在一定會以小朋友為先，無需小事化大。」

婚前欣賞凱琳知慳識儉

情人節將至，原來二人的大仔正是情人節出世，今年也準備在主題樂園為他慶祝生日，嘉穎笑言大仔不愛留在家中最喜歡住酒店，今年生日願望不是想與同學開派對，而是想一家人去住酒店玩：「阿仔都係外向，所以每年阿仔生日，我哋都唔喺屋企過。」問二人又會否想過二人世界？嘉穎說：「我哋約好咗，搵一日不用湊仔，但好耐冇試過，好難得要珍惜。」

Grace表示最近就與老公談起當年拍拖在巴黎度過的情人節，嘉穎說：「嗰時係拍拖頭兩年，老婆去法國小鎮拍嘢，我話過去搵佢，咦，唔係你追我咩，老婆？」Grace即笑說：「問吓大家係邊個追邊個先！」嘉穎續稱一起遊逛時去到一間首飾店，便打算送份禮物給她任揀：「當時我都在計數自己嘅信用卡限額，驚驚哋唔夠埋單，但驚喜係佢叫好耐至肯揀，仲揀咗隻最細嘅心形鑽石戒指，我心裏就覺得呢個可以做老婆！」Grace笑答：「我真係冇諗過要考試，我只係鍾意比較簡單設計日常可以戴得到，不過來到法國追我都好浪漫！其實老公第一次買手袋畀我都叫佢不如退錢。」嘉穎補充說：「所以結婚戒指就還大粒啲（鑽石）。」即將結婚7周年，嘉穎笑言有分數，Grace笑謂也是拍拖10周年，要是重遊巴黎卻要丟低三個孩子，問會否今次揀隻卡數大的戒指？她表示一切會以孩子着想。

（來源：香港文匯報A13：娛樂 2025/02/09）