看籃球賽遭旁述發現　姜濤全黑包冚仍失守

（大公文匯全媒體 特約記者 陳惠芳）MIRROR組員姜濤一向熱愛籃球運動，平日他不時被捕獲在維園打波，即使被網民發現也不以為然。不過，他1月7日現身HOY TV節目上，原來他到灣仔修頓球場觀看《東亞超級籃球聯賽》，在「香港東方」對「水原音速彈」賽事中，姜濤就與友人現身觀眾席頭排。

姜濤這次現身，以黑色衛衣包到冚，又戴帽、又戴口罩和眼鏡，但還是被攝影師認出，鏡頭一移近，旁述主持吳毅豪說，「Wow！我諗呢位大家都認識呀，中間嗰位，就係我哋本地嘅偶像，都嚟咗現場睇波。」當時中場休息，姜濤正在玩電話，眼利的粉絲就認得出他仍然在用與自己撞樣的《玩轉腦朋友》阿尷電話殼。

有網民讚HOY TV沒有避嫌，照播出藝人姜濤畫面。而旁述主持吳毅豪更在貼文下留言「Sor! 因為我代表HOY TV做緊直播，所以唔方便講佢個大名出嚟，唔好鬧我。」其他姜糖都讚他做得很正確，而且表現專業，表示「一睇就知係佢啦！」