大公文匯全媒體報道，英皇電影《破·地獄》截至昨日（12月30日）晚，港澳累積票房跨越1.52億。而昨晚在澳門舉行的年度壓軸影壇盛事《第16屆澳門國際電影節》，《破·地獄》團隊更摘下最佳男主角（黃子華）、最佳女主角（衛詩雅）及最佳導演（陳茂賢）三大獎項。

憑《破·地獄》道生一角封澳門影帝的黃子華發表得獎感言說：「多謝《破·地獄》所有組員，包括導演陳茂賢有勇氣去拍呢個題材，比佢更有勇氣嘅唔少得老闆楊受成博士投資一部咁冷門題材嘅戲。跟住我要多謝自己咁有勇氣嚟澳門，因為我嚟澳門係冇贏過，由細到大，終於贏一次，多謝大家。」

衛詩雅（Michelle）繼亞太影后後，一個月內再封影后，她致辭表示：「我係演員衛詩雅，多謝澳門國際電影節，多謝英皇電影、英皇娛樂，多謝楊受成博士、Mani、Shirley、Carol、邵劍秋先生同丘漢雄先生，多謝英皇嘅家人們，仲有《破·地獄》嘅團隊，編劇鄭緯機、監製陳升仁、攝影指導潘耀明，服裝指導利碧君、同埋各個部門。最緊要多謝喜歡《破·地獄》呢部電影嘅觀眾們，我哋呢部電影仲上映緊，希望大家可以支持。多謝香港電影！」

導演陳茂賢榮獲最佳導演，他說：「多謝澳門國際電影節支持《破·地獄》、多謝楊受成博士願意支持一個咁冷門嘅題材，多謝監製邵劍秋先生同埋丘漢雄先生，多謝黃子華、許冠文、衛詩雅、朱栢康、周家怡。多謝一眾台前幕後包括編劇鄭緯機。呢部戲喺好艱難嘅情況之下順利拍攝，電影仍然喺全國上映緊，希望大家支持。多謝每一位喜歡呢部電影嘅朋友！」

此外，陳家樂相隔九年於澳門國際電影節再奪最佳男配角，他於領獎時不忘感謝妻子連詩雅，更深情放閃：「喺我全程投入工作嘅時候，Shiga幫我照顧家庭，令我冇後顧之憂。」

《第16屆澳門國際電影節》獲獎名單：

• 最佳影片：《第二十條》
• 最佳導演：陳茂賢《破·地獄》
• 最佳男主角：黃子華《破·地獄》、朱一龍《負負得正》
• 最佳女主角：衛詩雅《破·地獄》
• 最佳男配角：陳家樂《扎職3》
• 最佳女配角：王聖迪《默殺》
• 最佳攝影：《雪豹》