（大公文匯全媒體 特約記者 陳惠芳）《新城勁爆頒獎禮2024》今日（28日）舉行，是次頒發67個獎，當中張敬軒（軒公）個人横掃3個大獎，分別是「勁爆唱作人」金獎 、《青春告別式》奪「勁爆年度歌曲」及「勁爆年度歌手」。已連續7年勇奪最高殊榮「年度歌手」的張敬軒，今屆第八度登頂，刷出個人新紀錄。

軒公表示，回想起20年前參與新城的節目，對這裏有份情意結，笑言好像沒有得過新城的新人獎，好羨慕現在的新人，首次角逐便有斬獲。對於多間唱片公司未有派歌手出席，張敬軒表示這些年來頒獎禮玩法已不同：「我係唔鍾意嘈交，唔想唔開心和傷害，而家行業行頭唔大，作為新人有獎攞係好大鼓勵，每個頒獎禮都有自己的評審機制，有啲歌手入到個機制係好值得鼓勵，只要傳媒和歌迷唔放棄我，我都會出席頒獎禮。」

另一位歌手林家謙奪得「勁爆男歌手」金獎及「勁爆年度專輯」，他笑言自己今年努力得好過分，好有拚勁創作出好多作品，他相信自己的努力對得住這個獎。問到是否因為曾經被人說是「廢青」才發力？他表示史前的事已經不記得：「不過唔關事（想爭氣？）都唔關事，只是我計劃中做多了作品。」提到電影《破·地獄》主題曲《普渡眾生》，他表示歌曲能夠入圍叱咤「我最喜愛歌曲」五強已經好開心，認為已經超標，又指電影票房破億大家亦已經喜出望外：「我諗呢個係唔知幾多年先可以一遇，我覺得隻歌都係托賴一班演員嘅福。」講到張敬軒看好《普渡眾生》，他即笑言：「咁我都睇好佢，所以佢今日攞獎，我係神算子。」