（香港文匯報記者 阿祖）電影《焚城》自11月1日上畫至10日，票房衝破2千萬，近日才剛忙完海外演唱會演出的劉德華，前日神秘現身戲院跟《焚城》團隊何啟華（阿Dee）、梁仲恆、王敏德（Michael）、周文健、林家熙（Locker）、黃愷傑等合體。由於電影公司沒有洩露任何風聲，所以包括演員和觀眾對華仔出現均不知情，直至他在觀眾席舉手發問剎那，大家才發現他的身影，令現場所有觀眾都尖叫起來，特別為華仔忠粉阿Dee帶來驚喜，兩位「華Dee」終於在公開場合碰頭。

華仔從觀眾席跑到台前與一班戲中的隊友互相擁抱打招呼，Michael（王敏德）即戲中角色上身跟華仔說：「Are you losing your mind？」反應敏捷的華仔也以戲中對白回應他：「你玩完啦！」兩人的互動，令剛剛看完戲的觀眾也拍掌應和。有備而來的華仔早已穿上寫上「焚城」的藍T恤，跟團隊穿上同一制服一起謝票，一時間士氣高漲起來。

讚新人努力堪擔大任

華仔對向身邊的幾位新人演員，跟觀眾說：「多謝你哋支持香港電影及我哋一班新嘅演員，佢哋就係我哋香港電影嘅未來！」現場觀眾也報以掌聲支持。雖然在戲中跟一班年輕演員一起演出的場口有限，有些甚至沒有同場演出，但華仔坦言一直都有從劇組人員口中得知這班消防員，由開始練習到拍攝時的過程和經歷，他欣慰地讚賞說：「知道你哋嘅努力，非常好！你哋係我哋嘅未來！」

何啟華見華仔「心慌意亂」

身為華仔忠粉的阿Dee早前在社交平台曾發文表示跟兒時偶像一齊合作是一件很夢幻的事，現終於跟偶像一起同場謝票令他驚喜萬分：「第一日開工劉生已經嚟探班，直至我殺青嗰日，佢仲特意嚟送花畀farewell，自己都好感動，其實我到𠵱家見到劉生都好緊張，大家應該睇得出我有啲『心慌意亂』……我唔知自己講啲乜，好開心、好夢幻。我感受到前輩們好用心去做好香港電影，同埋知道想搵機會提攜我哋，畀我哋好多機會，好多謝劉生，希望我哋可以繼續努力，唔會令你失望。」

梁仲恆坦言可以同香港傳奇同框出現感覺好驕傲，現場拍攝的時候見到劉生好隨和好Nice，有時會講笑話問大家IQ題，紓緩工作緊張氣氛。而身邊的Michael（王敏德）一聽到用Nice來形容華仔，即搞笑地插嘴說：「我覺得唔係好Nice嘅，成日鬧我（因為戲中係死對頭），不過佢話下次有機會搵我同周文健（Michael）一齊拍喜劇，仲可以英文對白，OK啦！」

林家熙傷腳仍開工

至於Locker 稱基本上跟劉生在現場見面只有兩三次，不過聽到劉生話會搵兩個Michael拍喜劇，醒目的他即把握機會自薦說：「我都希望同劉生拍喜劇呀！」華仔表示無任歡迎，且透露其實這個戲收到第一個有關消防員訊息的是Locker受傷，知他腳傷仍繼續開工很敬業。黃愷傑表示自己有一場同劉生合作的戲份，要着上防輻射袍入火場，好幾次深夜拍攝他都陪伴大家拍到最後，而他也好專業第一個穿戴整齊等大家，陪大家紓緩氣氛一齊入去「災場」，所以好感謝劉生。

阿Dee在謝票完結前，突然舉手問劉生會否再有機會跟他再一齊謝票？劉生二話不說：「你安排，我聽！」華仔的秒回，令阿Dee再一次感到驚喜，且約定劉生13號謝票場見。一眾演員最後跟現場觀眾大合照齊賀《焚城》衝破2千萬票房，感謝大家對香港電影的支持。

（來源：香港文匯報B07：娛樂 2024/11/12）