（大公文匯全媒體 特約記者 陳惠芳）《新城唱好海洋公園音樂會周禮茂作品展》昨晚 （8日） 假海洋公園舉行，作品展請來16位歌手演出，包括：陳慧琳、楊千嬅、張敬軒、林奕匡、胡鴻鈞、葉巧琳、黃淑蔓、周吉佩、冼靖峰、余宗遙、周子涵、黃明德、鍾柔美、詹天文、林智樂、孫漢霖，陣容鼎盛。
作品展甫開始，台上播出主角周禮茂（Thomas）預錄的說話：「好多人問我，靈感喺邊度嚟呀？」畫面隨即出現一部舊Walkman，陪伴了Thomas多年但已「退休」的創作「好拍檔」。Thomas溫柔地緩緩把這部舊Walkman開機，隨即播出《無中生有》為作品展揭開序幕，Thomas續說：「創作，就係無中生有，咁不如就用一晚時間，同大家講下！講起個『一』字，我就諗起PACO（黃柏高）同我講嘅一件事。佢話『一』字頭嘅歌，實紅架！又係喎！《一生何求》、《一分鐘都市 一分鐘戀愛》同埋，呢首⋯⋯」緊接由陳慧琳打頭陣，一連唱出3首歌的她，特別選唱自己出道的第一首歌《一切很美 只因有你》。
而會令周禮茂觸「歌」傷情，樂迷又夭心夭肺的3首「禁歌」則由胡鴻鈞唱《祝君好》、周吉佩唱《男人最痛》、周子涵唱《沒結果》。楊千嬅則唱出陳奕迅的《傷信》、《乾脆》及呂珊的《3650夜》。
黃淑蔓、周子涵合唱鄭秀文（Sammi）和葉蒨文的《談情說愛》之餘，再加入葉巧琳三人合唱《李香蘭》之後，新城廣播知訊台台長程凱欣上台送驚喜，向當日正日生日的黃淑蔓送上生日禮物，鄭秀文（Sammi）還特別錄了恭賀影片，全場大合唱生日歌。
開心慶生完後，繼續炒熱現場，再播出Thomas說話：「你地有冇聽過人地點形容雙子座呀？絕頂聰明，楊花水性呀！」《聲夢傳奇》的三位年輕歌手冼靖峰、鍾柔美、詹天文伴着強勁音樂動力「跳」場，一口氣又唱又跳接近8分鐘的串燒歌。
勁歌熱舞後，播出Thomas聲音說：「填詞，有時唔只係玩文字遊戲，有樂趣之餘，仲可能會悟到人生道理，而且，係比想像嘅多好多⋯⋯」周吉佩、林智樂、余宗遙馬上接力來一Part玩味極重、長達12分鐘Medley。
周禮茂作品展之所以成功舉行，說來有段故仔，再播出Thomas說：「文字，有佢嘅力量，說話，都係一樣。就好似今次呢場show，都係因為呢一句而開始⋯⋯」隨即播出張敬軒去年在新城台慶表演時一段說話：「我已經數唔清喺我成長裏面，我唱過幾多、有幾多周禮茂先生填詞嘅作品，對我係有深遠影響嘅！今晚我揀嚟呢首，係屬於我自己嘅偶像，一個前輩嘅作品，好多好多年前我都有唱過，但咁啱我想藉住呢個機會喺呢度將呢首歌，用一個致敬嘅方式送返畀佢！同埋我想講，周生，不如盡快同電台傾下開個作品展吖！我一定會嚟唱歌架！」
周禮茂作品展真的成功舉行了，「媒人」張敬軒也實現承諾，軒公壓軸登場！唱出王菲的《靜夜的單簧管》和葉德嫻的《邊緣回望》，全場掌聲雷動；主角周禮茂上台和張敬軒進行謝幕，張敬軒最後唱出林憶蓮的《只要我活過哭過》，為作品展畫上完美句號。
