（大公文匯全媒體 特約記者 陳惠芳）鄭秀文（Sammi）於7月在紅館舉行13場演唱會，新歌《心魔》MV今日（23日）上架，這次是全泰國班底製作，入行多年的Sammi都感覺新鮮。

Sammi特地到泰國拍攝MV，她解釋說：「導演Kero、拍攝團隊、40位舞者和排舞師都是泰國最頂尖的陣容。之前我在YouTube睇到一首歌嘅MV，呢位導演拍攝嘅風格，我好鍾意，入咗腦，記喺心裏，好大嘅感動，如果搵到佢拍MV一定可以將歌升華，多謝經理人（郭啟華）搵到呢位導演，做到呢件事。」

今次MV的行程相當緊密，Sammi黃昏抵達當地後，馬上回酒店進行fitting、試戴不同顏色的隱形眼鏡、戴上MV中的長假髮給髮型師進行修剪等，翌日早上9時便拍攝，當日氣溫高達36度，Sammi一直在悶熱的外景進行拍攝，直到凌晨1時才收工，為在演唱會前夕保持最佳狀態，Sammi未有機會品嘗當地美食，但她覺得一切辛苦都值得。

MV中，Sammi有不少獨特造型，其中一件大褸因為重量十足，令Sammi舉步難行，另外身上的紋身貼紙，要花上近45分鐘剪貼。問她拍MV最難忘是哪個時刻和造型？她說：「每一個時刻、每一個場境我都好鍾意，導演處理每個場口和細節，燈光和意境都好唔一樣，再加上我為咗呢個MV做咗好多造型，營造氣氛，完全揀唔到，每一個場景我都未拍過，就連類似都未試過，所以感覺好新鮮。」

MV順利完成，Sammi坦言非常感謝唱片公司的支持，她說：「我去到現場，最震撼係舞蹈，甚至對嘴唱歌部分，有好多連我自己都意想不到，勾起我好深好Deep嘅情緒走出嚟，令到畫面好強烈，某啲場面有啲毛管戙，一切都來自真摯嘅情緒。」