李勝利疑來港定居　操夜店舊業　香港市民：滾！

大公文匯全媒體報道，韓國天團BIGBANG成員李勝利2019年被爆娛樂圈性犯罪醜聞，其投資的夜店Burning Sun亦爆出暴力、販毒、性侵及賄賂警察等事件，其後李勝利被判囚1年6個月，去年2月刑滿出獄。有媒體近日公開紀錄片，還原當年牽扯到韓星鄭俊英、李勝利等連串醜聞的夜店事件始末，更公開李勝利粗暴拉扯女生畫面，令事件再次受極大關注。近日有消息指，李勝利疑似來港定居，更打算於尖東搞生意想開夜場，又傳李勝利在半山區買豪宅。亦有消息指，勝利是訪港旅客，香港同韓國有90日免簽證，入境無需查刑事紀錄。

性感女神貝依霖（Chantale Belle）亦發出同李勝利的合照，證實李勝利的確曾現身香港。

另外，有網民指上月在音樂節見到李勝利，爆料指當時見到李勝利同酒商老闆應酬，又稱「依然有好多女當佢神咁拜」，並指自己同女同事遭對方呼喝：「同你喺紀錄片睇嗰啲語氣有得揮。」網民最後更勸喻各位女士：「自己睇路呀！」

不少網民亦留言鬧爆：「搵食行遠啲啦」，「唔想見到佢喺香港，佢整個人就係烏煙瘴氣，社會敗類！韓國撈唔掂走來香港」，「勁憎佢……搞衰BIGBANG」，「呢啲垃圾根本就唔應該咁輕易放返出嚟」。

相關閱讀：

(有片)李勝利派對強行拖拽女性　舉拳威脅就範