鬧爆張致恒只識食瞓屙 　雯雯怒問：使唔使賣身養你？

日日都有新聞！被網民封為「離婚界KOL」的張致恒（Steven）和太太區燕雯（雯雯）育有4個小朋友，周時以賒借度日，賣慘搏取善心人捐款幫忙。雯雯昨日又在社交平台炮轟Steven只係識瞓食同屙，怒問「使唔使賣身養你？」

雯雯繼日前在Ig限時動態寫道「既然世界不容納，倒不如離開」的留言後，昨日又發文數臭Steven，她在Ig限時動態以黑底白字放負：「屋企面臨咁大問題，每日只係識瞓食同屙，我洗（使）唔洗（使）賣身養埋你？到底你係（喺）呢個世界生存為乜？」

之後接着再轟老公：「就黎（嚟）冇屋住，夠擔（膽）死同我講，我瞓多陣姐（啫），每日冇供（貢）獻，有飯咪食，有屎咪屙，每次個老婆都解決到，就乜都唔理，我唔會出黎（嚟）做野（嘢）養你，如果我係你做人仲有少少尊嚴，就消失!」

而張致恒近日就被網民野生捕獲，他戴着漁夫帽、一身全身深色衫打扮，於港鐵車廂內，忙碌地講電話及回覆訊息。有網民留言嘲諷：「係咪問人借錢」、覺得他身上有「噏臭味」等。