楊潤雄任達華拍片宣傳全港戲院日　籲親朋戚友入場睇戲

由香港戲院商會主辦的「全港戲院日2024」將於4月21日舉行，是香港流行文化節2024活動之一。文化體育及旅遊局長楊潤雄請來影星任達華一同拍攝短片，支持香港電影業，呼籲親朋戚友去戲院睇戲。

文化體育及旅遊局日前在社交平台發布宣傳短片，楊潤雄在片中分身演出電影售票員，還找來影帝級的嘉賓任達華，入場睇戲。二人身體力行，一齊支持香港電影業，呼籲親朋戚友4月21日去戲院睇戲。除咗任達華，當局仲請到演員陳家樂做活動大使，仲有多位藝人呼籲支持活動。

當日全港63間戲院所有電影票價劃一售30蚊，市民可以在4月17日中午12點後到各大戲院網站或院線購買戲票，希望透過活動鼓勵更多市民入親身戲院睇戲，支持香港電影業發展。