大公文匯全媒體報道，人離鄉賤是殘酷現實，而在英國移民圈子，更有移英港人歧視講廣東話的同路人。有移民英國港男日前發文抒發「移民最大感慨」，憶述曾遇到兩名港人，對方卻嘲笑廣東話，或只願意說英文拒用廣東話，令他慨嘆「連自己語言都唔尊重，人哋外國嘅人點尊重你呢？」。

該名移英港男近日在連登討論區以「移民最大感慨」為題發文，表示自己已移民幾年，主要是常用英文，很少機會用廣東話，「本身移咗民幾年，開IT公司平時對客meeting 已經用英文，有陣時去到超級市場見到啲華人面口都只可以講英文，因為唔知係大陸人定係東南亞人，咁都冇辦法啦又係英文，廣東話要講留返屋企講」。

樓主在帖文提到，曾遇到兩名一大一小的香港人都拒用廣東話，「返咗一間香港人為主嘅教會都有一段時間，有一日有個香港過嚟嘅小朋友同另一個小朋友講 Are you a nerd？Why are you saying Cantonese？（你是否怪胎？為什麼你說廣東話？）又有另外一個媽媽，明明就喺香港教書，又要死喺香港人面前講英文」。

樓主不禁慨嘆：「真係唔明廣東話真係咁失禮？」並反問：「連自己語言都唔尊重，人哋外國嘅人哋點尊重你呢？」，強調「移民有時係冇選擇，但係真係唔想自己嘅語言連自己人都唔識尊重」。

帖文引來網民熱議，有網民分享自身經歷，「有啲香港人係咁，有次順路開車搭埋個冇車嘅香港人，聽到我開車播廣東歌，跟住用英文同我講點解要聽廣東話歌咁老土？佢係冇乜口音嗰種英文好好嘅香港人，跟住同佢傾傾下先知道原來讀到大學一直都喺香港讀。我一路都以為佢外國大，唔識中文，點知原來廣東話都識，跟住聽佢講好似係幾抗拒同香港人相處，因為要講廣東話」，認為「你自己廣東話都係母語，點解要睇唔起香港人呢？」

不過，也有網民認為無問題，「唔明有咩問題，嚟到英語國家入鄉隨俗講英文都唔得？」、「有時嗰排個腦run慣英文會轉唔到channel」、「尊重下用當地語言好合理」。