「光榮」被爆難食態度差　網民譏「黄店出品屎都要食」

大公文匯全媒體報道，有黃店被人出post鬧難食。有網民日前喺社交平台圖文並茂咁投訴知名黃店「光榮冰室」，話「炒貴刁食到成口蛋殼，服務態度又差」。有網民就揶揄：「食理念呀，講質素嘅咩，黄店出品屎都要食！」

有網民日前喺fb群組「飲食黑店大全(全港食店質素/價錢/服務關注組)」發文投訴「旺角光榮，炒貴刁食到成口蛋殼，服務態度又差」，仲上載咗張相見到個碟邊放了挑出的大塊蛋殼。不過，有「手足」則依然護短，話「你食就好，唔食就倒，畀錢先講」，樓主反駁「就係畀咗錢先講」。

帖文一出，隨即引嚟唔少網民留言鬧爆「光榮唔係黃店 係黑店」，有人譏笑「光榮係咁，去食光榮不是為食飯，是為支持加油及捐款，你唔知咩？」、「食理念呀你識條L」、「做得手足就食晒佢，仲要日日幫襯」、「冇食到嘔電執到啦」。

有網民望見碟「螢光黃」貴刁，就認為「都未炒熟，睇見都唔開胃」、「見到呢粉…好懷疑佢識唔識煮」，笑指「怕你營養唔夠，幫你保鈣」。有網民覺得該黃店「等執」、「光榮結業~」。