大公文匯全媒體報道，英國經濟下降，犯罪率超升，賊匪如毛，移英港人睇怕都要自求多福。近日有移英港人在網上發文求教同路人點樣防賊入屋，皆因發現有可疑人士在其車房探路踩線。
該名移英港人在fb群組「英國香港人生活交流區」發文，話「今日有個可疑人來我哋家車房探路踩線，各位有什麼好的對策防止賊入屋呢？」不少同路人都紛紛獻計「裝cam，起碼影低佢個樣先」、「裝警鐘」、「整張卡寫內有惡犬」、「買盏搖控燈，唔喺屋企嗰陣時定時燈閂燈，等人覺得你屋企有人」、「出去問佢做乜嘢，唔好客氣，我去到陌生地方，人哋都係好唔客氣咁問我，甚至放狗」。
有指外國人常常以為香港人或亞洲臉孔的人很富裕，會放很多現金在家，容易成為賊人目標。有同路人亦指「佢哋覺得華人就係有有錢同怕事」，有人提醒唔好成為目標，「財不可露眼，盡量低調平凡、畀佢知你已經留意到佢，以及引起鄰居和警方關注」。
有同路人則分享自身經驗，話「我住嗰度有一晚有個1am嚟踩線，第二日去咗報警，我哋個cam影得勁清楚，一星期後就拉到人」。
編輯：Akira
關鍵詞：移民英國爆竊踩線
評論
查看更多評論>>
加載中……
