阮民安加持火鍋黃店　網民揶揄「黃水滾黃魚」

大公文匯全媒體報道，「奀星」阮民安食住「頂好大光麵」條水，日前又在社交平台加持一間火鍋店「靚煲皇」，話除咗親自睇吓大光麵嘅發貨狀況外，仲要順道宣傳一下舖頭，叫「手足」唔好再等一日所有黃店都消失晒先珍惜口，希望「手足」繼續撐小店喎。不少網民揶揄「黃水滾黃魚」、「掠完水又去旅行」。

阮民安在帖文懶感性咁話，「經過疫情、經過20個月的囚禁，返出嚟之後，不得不承認，香港變了！但無論點變，香港人人情味依然未變啊」，大讚「靚煲皇」老闆極有情義，所以他無論盆菜、大光麵都自取該店。他又繼續用「大光麵」抽水，話好感動「見到嘅係大家都好努力想將本土嘅出品、文化好好咁保留」喎，希望大家都可以繼續用自己方式去撐去支持各黃店。

有網民留言直指「仲標籤自己係黃店真係等執，好快添」、「一個願呃，一班願買」、「係啊，繼續做傻仔畀人搵笨喇，加油」。