（香港文匯報 記者 阿祖）「TWINS SPIRIT 2024演唱會」前晚來到第9場，阿Sa（蔡卓妍）、阿嬌（鍾欣潼）經過兩日休息之後，狀態非常之好，因為觀眾反應超級熱烈，兩人更再安歌兩首歌才完場，讓觀眾滿載而歸。ERROR的193、肥仔，衛詩雅、湯怡以及《金手指》導演莊文強、為他們寫下無數經典金曲的伍樂城亦前來支持。
踏入第9場，大家最留意的是opening串燒快歌到最後Ending，Twins取消了打側手翻，外間馬上有不少猜測阿嬌第8場打側手翻時跣腳受傷，大會馬上代她發言澄清阿嬌並沒受傷：「不用擔心， 因為阿嬌呢幾日唔夠血，身體弱啲，公司擔心佢再腳軟再跌親會整傷，所以先暫停一下側手翻。」
前晚不少圈中好友也有來支持Twins，握手時阿Sa見到193，即搞笑道：「你唔好企起身啦你，你咁高擋住後面，哈哈！」引得觀眾也一同哈哈大笑，而193亦整晚坐低不敢企起身，免阻後面的觀眾。到Twins講22年感受時，阿Sa突然語出驚人：「22年時間真係好長，22年前如果我生咗個仔，佢今年都已經22歲……」阿嬌聞言O晒嘴不懂回應，觀眾就大笑大叫，阿Sa才再話：「係冇發生到，哈！哈！哈！」接着她又說：「你知啦，組合真係難㗎，好多組合行行吓走散咗，又或者嗌咗交，我唔係講緊你哋呀ERROR，哈哈。我都祝福你哋可以行好耐呀！」而肥仔同193則即時兩手緊扣，代表他們也會堅持相愛下去，讓觀眾笑着拍爛手掌。
為Twins寫下無數經典金曲的伍樂城前晚也有來捧場，阿Sa、阿嬌都分別對他感謝：「冇呢個人，就冇我哋啦。我哋九成的歌都係佢作㗎！伍樂城！」觀眾即報以熱烈掌聲，阿Sa握手時，認不出又戴口罩又戴帽的金牌作曲大佬，所以安歌時特別再走過去同伍樂城握手，更稱對方為「大佬！大佬好嘢！」讓全場再為伍樂城報以熱烈掌聲。
此外，電影《金手指》導演莊文強前晚也有到場支持，阿Sa多謝導演之外，更賣廣告說：「大家睇完我演唱會，就去支持《金手指》啦！」不少歌迷大叫： 「好好睇呀！」、「你做得好好！」阿嬌亦說：「你哋去睇啦，可能會撞到我。哈哈。」
（來源：香港文匯報B05：娛樂 2024/02/03）
