垃圾收費｜公屋大堂淪垃圾崗　網民鬧爆無公德心「做死清潔工友」

大公文匯全媒體報道，特區政府將垃圾徵費計劃延至8月1日實施，但臨近歲晚家家戶戶大掃除，各區垃圾量激增，有網民早前在社交平台上發相，顯示有公屋電梯大堂淪垃圾崗。帖文隨即惹起熱議，有網民鬧爆「點解啲人咁自私？難為啲清潔工人」、「做死清潔工友，極端自私無同理心」。

有網民日前在fb群組「西環變幻時」發布一張相片，寫上「8月仲刺激」。從照片可見，某公屋樓層的電梯大堂，在靠近大型垃圾箱的位置，地上堆滿家居垃圾，包括發黃枕頭、毛公仔、外套、鞋盒、玩具模型盒和包裝紙等，絕大部都沒有包好，散落一地。

不少網民大鬧戶主無公德心，「掉垃圾都掉得咁衰」、「『「垃圾』製造出嚟的垃圾災難」、「真係好無公德心又無同理心，你揼都一袋袋入好揼呀，真係好X街」。有網民同情清潔工人，「清潔公司啲人最慘」、「人哋倒垃圾嗰位，剩係服侍佢一家咩？要做死人？」、「辛苦清潔工人」，「如果知道邊一戶人，掃番去佢門口」。